കരകുളം
ഹരിത കേരളം മിഷന്റെ ഭാഗമായി കരകുളം പഞ്ചായത്ത് നേതൃത്വത്തിൽ നീർചാലുകൾ പുനരുജ്ജീവിപ്പിക്കുന്നതിനായി ‘ഇനി ഞാൻ ഒഴുകട്ടെ' പദ്ധതിയുടെ മൂന്നാംഘട്ട പ്രവർത്തനങ്ങൾക്ക് തുടക്കമായി. കരകുളം പിന്നൂർ തോട്ടിൽ പഞ്ചായത്ത് പ്രസിഡന്റ്‌ യു ലേഖാറാണി ഉദ്ഘാടനം ചെയ്തു. പഞ്ചായത്ത് മേഖലയിലെ കിള്ളിയാറിന്റെ കൈവഴികൾ ശുചീകരിച്ച് സംരക്ഷിക്കുന്നതാണ് പദ്ധതി. ദേശീയ തൊഴിലുറപ്പ് പദ്ധതിയിൽ ഉൾപ്പെടുത്തിയാണ് തോടുകൾ ശുചീകരിക്കുന്നത്. പഞ്ചായത്ത് വൈസ് പ്രസിഡന്റ്‌ ടി സുനിൽ കുമാർ, സ്റ്റാൻഡിങ്‌ കമ്മിറ്റി ചെയർപേഴ്സൺ പി ഉഷാകുമാരി, പഞ്ചായത്ത് അംഗങ്ങളായ ആർ രമണി , ആർ ഹസീന, വി ആശ തുടങ്ങിയവർ പങ്കെടുത്തു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
