പാറശാല
ആറയൂർ ഗവ.ലക്ഷ്മി വിലാസം ഹയർ സെക്കൻഡറി സ്കൂളിൽ വൃക്ഷത്തൈ യൂണിറ്റ് ആരംഭിച്ചു.ആഗോള താപനത്തിനെതിരെ കേരള ഫോറസ്റ്റ് ഡിപ്പാർട്ട്മെന്റും ചെങ്കൽ പഞ്ചായത്തും സ്കൂളും സംയുക്തമായിട്ടാണ് പദ്ധതി നടപ്പാക്കിയത്.ഇതിന്റെ ഭാഗമായി ചെങ്കൽ പഞ്ചായത്ത് മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിൽ ഉൾപ്പെടുത്തി വൃക്ഷത്തൈ വളർത്തി പൊതുജനങ്ങൾക്കും വിദ്യാർഥികൾക്കും വിതരണം ചെയ്യുവാൻ ആറയൂർ ഗവ.ലക്ഷ്മി വിലാസം സ്കൂളിനെ തെരഞ്ഞെടുക്കുകയായിരുന്നു. ഇതിന്റെ ഉദ്ഘാടനം പ്രിൻസിപ്പൽ ഡോ. കെ ലൈലാസ് നിർവഹിച്ചു.വാർഡ് മെമ്പർ വിജയകുമാരി അധ്യക്ഷയായി. പിറ്റിഎ പ്രസിഡന്റ് അജികുമാർ, വൈസ് പ്രസിഡന്റ് മുരളീധരൻ നായർ, എസ്എംസി ചെയർമാൻ ബിനുകുമാർ, ഹെഡ്മിസ്ട്രസ് ജയലേഖ, ചെങ്കൽ പഞ്ചായത്ത് ഓവർസിയർ മോഹനൻ, എ ഇ നീരജ് എന്നിവർ സംസാരിച്ചു.
ദേശാഭിമാനി വാർത്തകൾ ഇപ്പോള് വാട്സാപ്പിലും ടെലഗ്രാമിലും ലഭ്യമാണ്.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..