മംഗലപുരം
ദീർഘകാലം സിപിഐ എം കണിയാപുരം ലോക്കൽ കമ്മിറ്റി അംഗവും സിഐടിയു ലോക്കൽ സെക്രട്ടറിയും ഹെഡ് ലോഡ് യൂണിയൻ ജില്ലാ കമ്മിറ്റി അംഗവുമായിരുന്ന ആർ സദാശിവൻ നായരുടെ ഒന്നാം ചരമവാർഷികം ആചരിച്ചു. സ്മൃതി കുടീരത്തിൽ പുഷ്പാർച്ചനയ്ക്കുശേഷം സഖാവിന്റെ വസതിയിൽ നടന്ന അനുസ്മരണയോഗം സിപിഐ എം ജില്ലാ കമ്മിറ്റി അംഗം വി ജയപ്രകാശ് ഉദ്ഘാടനംചെയ്തു. ജില്ലാ പഞ്ചായത്ത് സ്ഥിരംസമിതി അധ്യക്ഷൻ എം ജലീൽ, സിഐടിയു മംഗലപുരം ഏരിയ സെക്രട്ടറി വേങ്ങോട് മധു, ഏരിയ കമ്മിറ്റി അംഗങ്ങളായ ജെ ഉണ്ണികൃഷ്ണൻ നായർ, വി വിജയകുമാർ, കെ ശ്രീകുമാർ എന്നിവർ സംസാരിച്ചു. പുഷ്പാർച്ചനയിൽ തൊഴിലാളികൾ പങ്കെടുത്തു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
