കിളിമാനൂർ
കെഎസ്ടിഎ കിളിമാനൂർ ഉപജില്ലാ കമ്മിറ്റിയുടെ നേതൃത്വത്തിൽ സംസ്ഥാന കൗൺസിൽ അംഗങ്ങളായ, വിരമിക്കുന്ന മൂന്ന് അധ്യാപകർക്കും സബ്ജില്ലയിലെ വിവിധ സ്കൂളുകളിൽനിന്ന് വിരമിക്കുന്ന 27 അധ്യാപകർക്കും യാത്രയയപ്പ് നൽകി. കിളിമാനൂർ ഗവ. ഹയർസെക്കൻഡറി സ്കൂൾ ഓഡിറ്റോറിയത്തിൽ സംഘടിപ്പിച്ച യാത്രയയപ്പ് സമ്മേളനം ഒ എസ് അംബിക എംഎൽഎ ഉദ്ഘാടനം ചെയ്തു. സിപിഐ എം കിളിമാനൂർ ഏരിയ സെക്രട്ടറി തട്ടത്തുമല ജയചന്ദ്രൻ മുഖ്യ പ്രഭാഷകനായി. സബ് ജില്ലാ പ്രസിഡന്റ് എസ് ഷൈജു അധ്യക്ഷനായി.
കെഎസ്ടിഎ സംസ്ഥാന കൗൺസിൽ അംഗങ്ങളായ കെ വി വേണുഗോപാൽ, വി ആർ സാബു, എം എസ് ശശികല എന്നിവരും 27 അധ്യാപകർക്കുമാണ് യാത്രയയപ്പ് നൽകിയത്. കെഎസ്ടിഎ മുൻ ജനറൽ സെക്രട്ടറി എം ഷാജഹാൻ, സംസ്ഥാന എക്സിക്യൂട്ടീവംഗം പി വി രാജേഷ്, ജില്ലാ ജോയിന്റ് സെക്രട്ടറി എസ് ജവാദ്, ജില്ലാ കമ്മിറ്റിയംഗങ്ങൾ സംസാരിച്ചു.
ദേശാഭിമാനി വാർത്തകൾ ഇപ്പോള് വാട്സാപ്പിലും ടെലഗ്രാമിലും ലഭ്യമാണ്.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..