കുടുംബശ്രീ തുന്നും 
ദേശീയപതാകകൾ

തിരുവനന്തപുരം

സ്വാതന്ത്ര്യത്തിന്റെ എഴുപത്തിയഞ്ചാം വാർഷികത്തോടനുബന്ധിച്ച് എല്ലാ വീട്ടിലും ദേശീയപതാക ഉയർത്തുന്ന ഹർ ഘർ തിരംഗയ്ക്ക് കുടുംബശ്രീ ഒരുങ്ങി.

സ്വാതന്ത്ര്യത്തിന്റെ അമൃത മഹോത്സവത്തിന്റെ ഭാഗമായാണ് 13 മുതൽ 15 വരെ വീടുകൾ, സർക്കാർ–- -അർധ സർക്കാർ സ്ഥാപനങ്ങൾ, സ്വകാര്യ ഓഫീസുകൾ, വിദ്യാഭ്യാസ സ്ഥാപനങ്ങൾ എന്നിവിടങ്ങളിൽ പതാക ഉയർത്തുക.  ഒന്നരലക്ഷത്തോളം ഓർഡറാണ് ഇതുവരെ ലഭിച്ചത്. ഇതിൽ ഒരുലക്ഷം പതാകകളുടെ നിർമാണം പൂർത്തിയായതായി കുടുംബശ്രീ ജില്ലാ കോ ഓർഡിനേറ്റർ അറിയിച്ചു. 

ശനിയാഴ്‌ച  മുതൽ വിതരണം ആരംഭിക്കും. വിദ്യാർഥികളിലൂടെ വീടുകളിൽ എത്തിക്കുന്നതിനായി സ്‌കൂൾ, കോളേജുകൾ വഴി വിതരണം ചെയ്യും. കുടുംബശ്രീ യൂണിറ്റുകളിൽനിന്ന് പൊതുജനങ്ങൾക്കും പതാകകൾ വാങ്ങാം.