വിതുര
പൊന്മുടി ഗവ. യുപി സ്കൂളിൽ അടിസ്ഥാന സൗകര്യ വികസനങ്ങൾ നടപ്പാക്കുന്നതിന്റെ മുന്നോടിയായി ഡി കെ മുരളി എംഎൽഎ സ്കൂൾ സന്ദർശിച്ചു. ഓടിട്ട കെട്ടിടംമാറ്റി പുനർനിർമിക്കുന്നതിനായി വിദ്യാഭ്യാസ മന്ത്രിയുടെ നിർദേശാനുസരണം ഡീറ്റൈൽഡ് എസ്റ്റിമേറ്റ് നൽകുമെന്ന് എംഎൽഎ ഉറപ്പുനൽകി. ചുറ്റുമതിൽ നിർമാണത്തിനുള്ള നടപടികളും കൈക്കൊള്ളും.
കോവിഡിന് തുടർന്ന് നിർത്തലാക്കിയ വിതുരയിൽ നിന്ന് പൊന്മുടിയിലേക്കുള്ള കെഎസ്ആർടിസി ബസ് സർവീസ് പുന-രാരംഭിക്കാനുള്ള ഇടപെടലും എംഎൽഎയുടെ ഭാഗത്തുനിന്നുണ്ടായി. തിങ്കളാഴ്ച മുതൽ ബസ് സർവീസ് വീണ്ടും ആരംഭിക്കും. കുടിവെള്ള വിതരണ സംവിധാനം നടപ്പാക്കാനായി 1,67,000 രൂപയുടെ എസ്റ്റിമേറ്റ് തയ്യാറാക്കി. നേരത്തെ സ്ഥാപിച്ച കുഴൽക്കിണറിൽ നിന്ന് പൈപ്പ് ലൈൻ വഴി സ്കൂളിന്റെ വിവിധയിടങ്ങളിലേക്ക് വെള്ളമെത്തിക്കുകയാണ് ഇതിലൂടെ ലക്ഷ്യമിടുന്നത്.
ദേശാഭിമാനി വാർത്തകൾ ഇപ്പോള് വാട്സാപ്പിലും ടെലഗ്രാമിലും ലഭ്യമാണ്.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..