മല്ലപ്പള്ളി
കേരള കർഷകസംഘം ജില്ലാ സമ്മേളനത്തെ വരവേൽക്കാൻ വിപുലമായ ഒരുക്കം മല്ലപ്പള്ളിയിൽ നടക്കുന്നു. സമ്മേളന നഗറിൽ ഉയർത്താനുള്ള കൊടി–-കൊടിമര ജാഥകൾ വെള്ളിയാഴ്ച സംഗമിക്കും. ആദ്യമായാണ് കർഷക സംഘം ജില്ലാ സമ്മേളനം മല്ലപ്പള്ളിയിൽ നടക്കുന്നത്. 251 പ്രതിനിധികളടക്കം 300 പേർ പങ്കെടുക്കും. മല്ലപ്പള്ളി സിഎംഎസ് ഹയർ സെക്കൻഡറി സ്കൂൾ ഓഡിറ്റോറിയത്തിൽ (സി കെ മോഹനൻ നായർ നഗർ) ശനിയാഴ്ച സിപിഐ എം സംസ്ഥാന സെക്രട്ടറിയറ്റംഗം എം എം മണി എംഎൽഎ ഉദ്ഘാടനം ചെയ്യും. കർഷകസംഘം ജില്ലാ സെക്രട്ടറി ആർ തുളസീധരൻ പിള്ള പ്രവർത്തന റിപ്പോർട്ടും എം പ്രകാശൻ സംഘടനാ റിപ്പോർട്ടും അവതരിപ്പിക്കും.
ഞായറാഴ്ച സിഎംഎസ് ജങ്‌ഷനിൽ നിന്നും കാൽലക്ഷം പേർ അണിനിരക്കുന്ന കർഷക റാലി നടക്കും. തുടർന്ന് മല്ലപ്പള്ളി സ്വകാര്യ ബസ് സ്റ്റാൻഡിൽ (ടി കെ രാഘവൻപിള്ള നഗർ) നടക്കുന്ന പൊതു സമ്മേളനം എൽഡിഎഫ് കൺവീനർ ഇ പി ജയരാജൻ ഉദ്ഘാടനം ചെയ്യും. മന്ത്രി വീണാ ജോർജ്, കെ പി ഉദയഭാനു, രാജു ഏബ്രഹാം, കെ വി കുഞ്ഞമ്പു എംഎൽഎ, അഡ്വ. ഓമല്ലൂർ ശങ്കരൻ, എ പത്മകുമാർ, ജി ശ്രീരേഖ, പി ആർ പ്രദീപ് എന്നിവർ പങ്കെടുക്കും.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
