കോന്നി > ലോകം കോവിഡ്- 19 എന്ന മഹാമാരിയെ നേരിടുമ്പോൾ അനാവശ്യ സമരങ്ങളും ആൾക്കൂട്ടവും സംഘടിപ്പിക്കുന്ന കോൺഗ്രസ് നടപടിയിൽ പ്രതിഷേധിച്ച് കോന്നിതാഴം മണിയൻപാറയിൽ 18 പേർ കോൺഗ്രസിൽ നിന്ന് രാജിവച്ച് സിപിഐഎമ്മിനൊപ്പം ചേർന്ന് പ്രവർത്തിക്കാൻ തീരുമാനിച്ചു. ഐഎൻടിയുസി കൺവീനർ സി ആർ ഓമനക്കുട്ടന്റെ നേതൃത്വത്തിലാണ് കോൺഗ്രസ് ബന്ധമുപേക്ഷിച്ചത്.
ഇവരെ ജില്ലാ സെക്രട്ടറി കെ പി ഉദയഭാനു സ്വീകരിച്ചു. കോവിഡ് മാനദണ്ഡങ്ങൾ പാലിച്ച് നടന്ന യോഗത്തിൽ കോന്നിതാഴം ലോക്കൽ സെക്രട്ടറി ജിജോ മോഡി അധ്യക്ഷനായി. കെഎസ്കെടിയു ജില്ലാ പ്രസിഡന്റ് പി എസ് കൃഷ്ണകുമാർ, ഏരിയ സെക്രട്ടറി പി രാധാകൃഷ്ണൻ നായർ, ലോക്കൽ കമ്മിറ്റിയംഗം കെ കെ വിജയൻ, മേഖല സെക്രട്ടറി കെ പി പ്രജിത് കുമാർ, ഏരിയ കമ്മിറ്റിയംഗം കെ കുട്ടപ്പൻ, മിഥുൻ മോഹൻ, ബിൻസൺ ബി ജോസഫ് എന്നിവർ പങ്കെടുത്തു.
ദേശാഭിമാനി വാർത്തകൾ ഇപ്പോള് വാട്സാപ്പിലും ടെലഗ്രാമിലും ലഭ്യമാണ്.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..