29 March Friday
എ, ഐ നേതാക്കളിൽ നിസ്സംഗത

യോഗം ചേരാനാകുന്നില്ല, നേതാക്കൾ 
സ്ഥാനം ഉറപ്പിക്കാനുള്ള ഓട്ടത്തിൽ

വെബ് ഡെസ്‌ക്‌Updated: Sunday Jun 11, 2023
പത്തനംതിട്ട 
കോൺ​ഗ്രസ് തർക്കത്തിൽ സംസ്ഥാനത്തെങ്ങും  എ,  ഐ വിഭാ​ഗം ​ഗ്രൂപ്പ് യോ​ഗങ്ങൾ ചേരുമ്പോൾ ജില്ലയിൽ യോ​ഗങ്ങൾ ചേരാനാകാതെ ഗ്രൂപ്പ്‌ നേതാക്കൾ. എ വിഭാ​ഗം എന്ന് അവകാശപ്പെട്ടിരുന്ന ചിലരുടെ നിസ്സം​ഗതയാണ് ഇതിന് കാരണമെന്ന് പറയുന്നു. ഏതു വിധത്തിലും തങ്ങളുടെ സ്ഥാനങ്ങൾ ഉറപ്പിക്കാൻ ഇക്കൂട്ടർ നടത്തുന്ന രഹസ്യ നീക്കമായും ചിലർ ഇതിനെ കാണുന്നുണ്ട്. 
എന്നാൽ ഒരു വിട്ടുവീഴ്ചയും ഇനിയും ഉണ്ടാകില്ലെന്ന് പ്രബലമായ എ, ഐ  വിഭാ​ഗം പ്രവർത്തകർ ഒന്നിച്ച്  ആണയിടുന്നു. അണികളെ ലവലേശം വകവയ്ക്കാത്ത ജില്ലാ നേതൃത്വവുമായി ഒരു തരത്തിലും പൊരുത്തപ്പെട്ട് പോകാൻ സാധിക്കില്ലെന്ന് ഇവർ ആവർത്തിക്കുന്നു.  തിരുവനന്തപുരത്ത് എ ഐ വിഭാ​ഗം നേതാക്കൾ നടത്തിയ കൂടിക്കാഴ്ചയെയും ബം​ഗളൂരുവിൽ  ഉമ്മൻചാണ്ടിയെ കണ്ടതിന്റെയും തീരുമാനനുസരിച്ച് ഭാവി നീക്കം നടത്താമെന്ന നിലപാടിലാണ് ഇക്കൂട്ടർ . എന്നാൽ അത്  വൈകരുതെന്നാണ് അണികൾക്കിടയിലെ അഭിപ്രായം. 
  ഉമ്മൻചാണ്ടിയുമായി ഏറെ അടുപ്പമുള്ള ജില്ലയിലെ എ വിഭാ​ഗം നേതാക്കൾ ബം​ഗളൂരുവിൽ നേരിട്ട് പോകാനും ആലോചനയുണ്ട്.  എ വിഭാ​ഗത്തിൽനിന്ന് സീറ്റും മറ്റ് സ്ഥാനങ്ങളും നേടിയവരിൽ  ചിലർ കാണിക്കുന്ന നിസ്സം​ഗത ജില്ലാ നേതൃത്വവുമായി ചിലർ നടത്തുന്ന രഹസ്യ നീക്കത്തിന്റെ സൂചനയുമായി  വ്യാഖ്യാനിക്കുന്നു. സ്ഥലം എംപി ഉമ്മൻചാണ്ടിയുടെ അടുപ്പക്കാരനായിരുന്നെങ്കിലും നിലവിൽ ജില്ലയിലെ എ വിഭാ​ഗത്തെ കൈവിട്ട അവസ്ഥയിലാണ്. അതു കൊണ്ടു തന്നെ എംപിക്കെതിരെ അതിശക്തമായ എതിർപ്പാണ് എ വിഭാ​ഗം പ്രവർത്തകരിലുള്ളത്. 
ലഭിക്കാവുന്ന  സ്ഥാനങ്ങളെല്ലാം എതു വിധത്തിലും ഉറപ്പിച്ച ശേഷം അതിന് സഹായകരമായ വിഭാ​ഗത്തെ തള്ളിക്കളയുന്ന പ്രവണത ഇനി തുടരാനനുവദിക്കരുതെന്നാണ് പൊതു നിലപാട്. അതുകൊണ്ടു തന്നെ പാർലമെന്ററി രം​ഗത്ത് മത്സരിക്കുന്നവർ രണ്ടു തവണയിൽ കൂടുതൽ മത്സരരം​ഗത്ത് ഉണ്ടാകരുതെന്ന ഉറച്ച നിലപാട് സ്വീകരിക്കാനാണ് തീരുമാനം.
   കോൺ​ഗ്രസിൽ നിന്ന് പുറത്താക്കിയ മുൻ ഡിസിസി പ്രസിഡന്റ് ബാബു ജോർജ്പു തിയ ആളുകൾക്ക് പാർലമെന്ററി രം​ഗത്തേക്ക് വരുന്നതിന് അവസരം നൽകണമെന്ന് മാസങ്ങൾക്ക മുമ്പ് തന്നെ ആവശ്യപ്പെട്ടിരുന്നു. ജില്ലയിൽ സാധാരണ പ്രവർത്തകർക്കിടയിൽ അതിന് വലിയ സ്വീകാര്യതയാണ് ലഭിക്കുന്നത്. അതു കൊണ്ടു തന്നെയാണ് എ വിഭാ​ഗത്തിലെ ചില പ്രബലരും ജില്ലാ നേതൃത്വത്തിനെതിരെ നാവനുക്കുന്നതിൽ നിന്ന് പിന്മാറുന്നതെന്ന് അണിയറയിലെ സംസാരം.

ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..



മറ്റു വാർത്തകൾ
----
പ്രധാന വാർത്തകൾ
-----
-----
 Top