പാലക്കാട്
അഗ്നിപഥ് പദ്ധതി പിൻവലിക്കണമെന്നാവശ്യപ്പെട്ട് പാർലമെന്റിലേക്ക് ഡിവൈഎഫ്ഐ നടത്തിയ മാർച്ചിനിടെ എ എ റഹീം എംപിക്കെതിരെയുണ്ടായ അതിക്രമത്തിൽ പ്രതിഷേധം. ഡിവൈഎഫ്ഐ പ്രവർത്തകർ ബ്ലോക്ക് കേന്ദ്രങ്ങളിൽ പ്രകടനം നടത്തി. പാലക്കാട് നഗരത്തിൽ പാലക്കാട്, പുതുശേരി ബ്ലോക്ക് കമ്മിറ്റികളുടെ നേതൃത്വത്തില്‍ നടത്തിയ പ്രതിഷേധം ജില്ലാ പ്രസിഡന്റ് ആർ ജയദേവൻ ഉദ്ഘാടനം ചെയ്തു. ബ്ലോക്ക് പ്രസിഡന്റ് ജെ കൃഷ്ണപ്രസാദ് അധ്യക്ഷനായി. എസ്എഫ്ഐ ജില്ലാ സെക്രട്ടറി എസ് വിപിൻ, ഡിവൈഎഫ്ഐ ജില്ലാ സെക്രട്ടറിയറ്റ് അംഗം എം എ ജിതിൻരാജ്, ബ്ലോക്ക് സെക്രട്ടറിയറ്റ് അംഗം കെ വിനോദ് കുമാർ എന്നിവർ സംസാരിച്ചു.
തൃത്താലയിൽ- ജില്ലാ ജോയിന്റ് സെക്രട്ടറി ടി പി ഷഫീക്ക് ഉദ്ഘാടനം ചെയ്തു. കെ അഭിമന്യു അധ്യക്ഷനായി. പട്ടാമ്പിയിൽ ടി ഷാജി ഉദ്ഘാടനം ചെയ്തു. എം എൻ സുധീപ് അധ്യക്ഷനായി. ഷൊർണൂരിൽ- ജില്ലാ ജോയിന്റ് സെക്രട്ടറി എസ് കിഷോർ ഉദ്ഘാടനം ചെയ്തു. കെ രാഹുൽ അധ്യക്ഷനായി. ഒറ്റപ്പാലത്ത്- ബ്ലോക്ക് സെക്രട്ടറി അബ്ദുൾ മുത്തലീഫ് ഉദ്ഘാടനം ചെയ്തു. കെ ഗിരീഷ് അധ്യക്ഷനായി.
ചെർപ്പുളശേരിയിൽ- ജില്ലാ വൈസ് പ്രസിഡന്റ് കെ കൃഷ്ണൻകുട്ടി ഉദ്ഘാടനം ചെയ്തു. കെ കൃഷ്ണപ്രകാശ് അധ്യക്ഷനായി. ശ്രീകൃഷ്ണപുരത്ത്- ജില്ലാ സെക്രട്ടറിയറ്റ് അംഗം കെ മിനി ഉദ്ഘാടനം ചെയ്തു. കെ കെ ഗോപി അധ്യക്ഷനായി.
മണ്ണാർക്കാട്ട് -ബ്ലോക്ക് ജോയിന്റ് സെക്രട്ടറി ടി റഷീദ് ഉദ്ഘാടനം ചെയ്തു. കെ വിവേക് അധ്യക്ഷനായി. മുണ്ടൂരിൽ- ബ്ലോക്ക് സെക്രട്ടറി എ പ്രശാന്ത് ഉദ്ഘാടനം ചെയ്തു. കെ അനിൽ അധ്യക്ഷനായി. ചിറ്റൂരിൽ- എസ്എഫ്ഐ സംസ്ഥാന വൈസ് പ്രസിഡന്റ് വി വിചിത്ര ഉദ്ഘാടനം ചെയ്തു. കെ ശ്രീജിത് അധ്യക്ഷനായി. കൊല്ലങ്കോട്ടില്‍ -സിപിഐ എം ഏരിയ സെക്രട്ടറി കെ പ്രേമൻ ഉദ്ഘാടനം ചെയ്തു. എം സനിൽ അധ്യക്ഷനായി. കുഴൽമന്ദത്ത്‌ -ജില്ലാ സെക്രട്ടറിയറ്റ് അംഗം കെ ഷൈജു ഉദ്ഘാടനം ചെയ്തു. കെ ഗിരീഷ് അധ്യക്ഷനായി.
ആലത്തൂരിൽ- ബ്ലോക്ക് പ്രസിഡന്റ് മുഹമ്മദലി ഷിഹാബ് ഉദ്ഘാടനം ചെയ്തു. ജി അലേഷ്യസ്‌ അധ്യക്ഷനായി. വടക്കഞ്ചേരിയിൽ -സംസ്ഥാന കമ്മിറ്റി അംഗം എസ് ഷക്കീർ ഉദ്ഘാടനം ചെയ്തു. കെ ശ്രീജിത് അധ്യക്ഷനായി.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
