പാലക്കാട്
ജാർഖണ്ഡിൽനിന്ന് എലപ്പുള്ളി ലേബർ ക്യാമ്പിൽ എത്തിയ ശേഷം കോവിഡ് സ്ഥിരീകരിച്ച 11 അതിഥിത്തൊഴിലാളികളുടെ സമ്പർക്ക പട്ടികയിലുള്ള അതിഥിത്തൊഴിലാളികളുടെ ഫലം നെഗറ്റീവ്. ജൂലൈ ഒമ്പതിന് എത്തിയവര്ക്കാണ് രോഗം സ്ഥിരീകരിച്ചത്. സമ്പർക്ക പട്ടികയിൽ 14 പേരാണുണ്ടായിരുന്നത്. ഇതിൽ ഏഴു പേരുടെ ഫലം നെഗറ്റീവായി. ഏഴു പേരുടെ ഫലം അടുത്ത ദിവസങ്ങളിൽ ലഭിക്കും.
പശ്ചിമബംഗാളിൽനിന്ന് പെരുമാട്ടിയിലെത്തി കോവിഡ് സ്ഥിരീകരിച്ച അതിഥിത്തൊഴിലാളികളുടെ സമ്പർക്ക പട്ടികയിലുണ്ടായിരുന്ന 35പേരുടെയും ഫലം നെഗറ്റീവാണ്. ബാക്കി എട്ടുപേരുടെ പരിശോധനാഫലം വരാനുണ്ട്. ഇവരുടെ ക്യാമ്പിലെ 17 പേർക്കാണ് ജൂലൈ എട്ടിനും ഒമ്പതിനുമായി രോഗം പിടിപെട്ടത്.
ബ്രോക്കേഡ് ഇന്ത്യ പ്രൈവറ്റ് ലിമിറ്റഡ് കമ്പനിയിൽ ജോലിക്കെത്തിയ ഒഡീഷയിൽ നിന്നുള്ള തൊഴിലാളികളുടെ സമ്പർക്ക പട്ടികയിലുള്ളവരുടെ ഫലവും നെഗറ്റീവായി.
ഇവിടെയുള്ള മൂന്ന് തൊഴിലാളികൾക്കാണ് ജൂലൈ ഒമ്പതിന് രോഗം സ്ഥിരീകരിച്ചത്. ഇവരുടെ സമ്പർക്ക പട്ടികയിലുള്ള 10 പേരുടെയും ഫലം നെഗറ്റീവാണ്.
ദേശാഭിമാനി വാർത്തകൾ ഇപ്പോള് വാട്സാപ്പിലും ടെലഗ്രാമിലും ലഭ്യമാണ്.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..