പാലക്കാട്‌
സിപിഐ എം പൊളിറ്റ്‌ബ്യൂറോ അംഗവും സംസ്ഥാന സെക്രട്ടറിയുമായിരുന്ന കോടിയേരി ബാലകൃഷ്‌ണന്റെ ഒന്നാം ചരമവാർഷികം സമുചിതമായി ആചരിച്ചു. അതുല്യനായ സംഘാടകനും മികച്ച വാഗ്മിയും കേരളത്തിന്റെ സാമൂഹ്യ രാഷ്ട്രീയരംഗത്തെ സജീവസാന്നിധ്യവുമായിരുന്ന പ്രിയ നേതാവിന്റെ ഓർമദിന പരിപാടികളിൽ നാടാകെ പങ്കാളികളായി. സിപിഐ എം ഓഫീസുകൾ അലങ്കരിച്ച്‌ പാർടി പതാക ഉയർത്തി. നാടെങ്ങും അനുസ്‌മരണ സമ്മേളനങ്ങൾ, സെമിനാറുകൾ, വളന്റിയർ മാർച്ചോടുകൂടിയ ബഹുജന റാലികൾ എന്നിവ സംഘടിപ്പിച്ചു.
എ കെ ജി സെന്ററിൽ കേന്ദ്ര കമ്മിറ്റി അംഗം എ കെ ബാലൻ പതാക ഉയർത്തി. ദേശാഭിമാനി ചീഫ്‌ എഡിറ്റർകൂടിയായ കോടിയേരിയുടെ ഛായാചിത്രം ദേശാഭിമാനി ആസ്ഥാനത്ത്‌ ജനറൽ മാനേജർ കെ ജെ തോമസ്‌ അനാച്ഛാദനം ചെയ്തു. അനുസ്‌മരണ സമ്മേളനം അദ്ദേഹം ഉദ്‌ഘാടനംചെയ്‌തു. റസിഡന്റ്‌ എഡിറ്റർ വി ബി പരമേശ്വരൻ അധ്യക്ഷനായി. ചീഫ്‌ ന്യൂസ്‌ എഡിറ്റർ മനോഹരൻ മോറായി, ലോക്കൽ സെക്രട്ടറി പി അനിൽകുമാർ എന്നിവർ സംസാരിച്ചു.
ജില്ലാ കമ്മിറ്റി ഓഫീസായ കുഞ്ഞിരാമൻ മാസ്‌റ്റർ സ്‌മാരകത്തിൽ ജില്ലാ സെക്രട്ടറി ഇ എൻ സുരേഷ്‌ബാബു പതാക ഉയർത്തി. ദേശാഭിമാനി പാലക്കാട്‌ ഓഫീസിൽ മുതിർന്ന നേതാവ്‌ പാലോളി മുഹമ്മദ്‌ കുട്ടി പതാക ഉയർത്തി. ലോക്കൽ കമ്മിറ്റിയംഗം എസ് സിരോഷ അധ്യക്ഷയായി.
വടക്കഞ്ചേരിയിൽ സംസ്ഥാന കമ്മിറ്റിയംഗം സി കെ രാജേന്ദ്രൻ പതാക ഉയർത്തി. ടി കണ്ണൻ അധ്യക്ഷനായി. ജില്ലാ സെക്രട്ടറിയറ്റംഗം ടി എം ശശി സംസാരിച്ചു. കൊടുവായൂരിൽ സംസ്ഥാന കമ്മിറ്റിയംഗം എൻ എൻ കൃഷ്‌ണദാസ്‌ അനുസ്‌മരണ യോഗം ഉദ്ഘാടനം ചെയ്തു. എം ചന്ദ്രൻ അധ്യക്ഷനായി. ആലത്തൂരിൽ ജില്ലാ സെക്രട്ടറിയറ്റംഗം വി ചെന്താമരാക്ഷൻ പതാക ഉയർത്തി. സി ഭവദാസൻ അധ്യക്ഷനായി. മരുതറോഡ്‌ ജില്ലാ സെക്രട്ടറിയറ്റംഗം എ പ്രഭാകരൻ പതാക ഉയർത്തി. പി ഉണ്ണികൃഷ്‌ണൻ അധ്യക്ഷനായി.ശ്രീകൃഷ്ണപുരത്ത് ജില്ലാ സെക്രട്ടറിയറ്റ് അംഗം എസ് അജയകുമാർ ഉദ്ഘാടനം ചെയ്തു. പി കെ ഗംഗാധരൻ അധ്യക്ഷനായി. നെല്ലായയിൽ ജില്ലാ സെക്രട്ടേറിയറ്റ് അംഗം എസ് അജയകുമാർ ഉദ്ഘാടനം ചെയ്തു. കെ ബി സുഭാഷ് അധ്യക്ഷനായി.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
