അങ്ങാടിപ്പുറം
കുട്ടികള്‍ക്കുള്ള പ്രധാനമന്ത്രി രാഷ്ട്രീയബാല്‍ പുരസ്‌കാരം മൃദംഗവാദ്യ കലാകാരനും അങ്ങാടിപ്പുറം സ്വദേശിയുമായ ദേവിപ്രസാദിന്. കലാ–-സാംസ്‌കാരിക വിഭാഗത്തിലാണ്‌ അംഗീകാരം. കേരളത്തില്‍നിന്ന്‌ ദേവിപ്രസാദ് മാത്രമാണ് അർഹനായത്‌. ഒരുലക്ഷം രൂപയും പ്രശസ്‌തിപത്രവുമടങ്ങുന്ന പുരസ്‌കാരം മലപ്പുറം കലക്ടര്‍ വി ആര്‍ പ്രേംകുമാര്‍ സമ്മാനിച്ചു.
തിരുമാന്ധാംകുന്ന് ദേവസ്വം ക്ലര്‍ക്ക്‌ അങ്ങാടിപ്പുറം ശ്രീലക്ഷ്-മി നിലയത്തില്‍ ദീപേഷിന്റെയും പൂപ്പലം അല്‍ഫദഹ് ഇംഗ്ലീഷ് മീഡിയം സ്‌കൂള്‍ അധ്യാപിക പ്രസീതയുടെയും മകനാണ്‌ ദേവിപ്രസാദ്. പുത്തനങ്ങാടി സെന്റ് ജോസഫ് ഇംഗ്ലീഷ് മീഡിയം സ്‌കൂൾ ഒമ്പതാംക്ലാസ് വിദ്യാര്‍ഥിയാണ്. തിരുവനന്തപുരം വി സുരേന്ദ്രനാണ് ഗുരു. ഏഴാംവയസ്സില്‍ ഗായത്രി ശിവപ്രസാദിന്റെ കച്ചേരിക്ക് മൃദംഗംവായിച്ച്‌ അരങ്ങേറ്റം. ഗുരുവായൂര്‍ ചെമ്പൈ സംഗീതോത്സവം, കോഴിക്കോട് ത്യാഗരാജ സംഗീതസദസ്സ്, തിരുവനന്തപുരം ഉദിയന്നൂര്‍ ആടിച്ചൊവ്വാ സംഗീതസദസ്സ്, അങ്ങാടിപ്പുറം ഞെരളത്ത് സംഗീതോത്സവം, കണ്ണൂര്‍ മൃദംഗശൈലേശ്വരി സംഗീതസദസ്സ് എന്നിവയിൽ പങ്കെടുത്തു. കര്‍ണാടക സംഗീതത്തിലെ നിരവധി സംഗീതജ്ഞന്‍മാര്‍ക്കൊപ്പം വേദിയിലെത്തി.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
