തിരൂർ
കടൽസമ്പത്ത് സ്വകാര്യ കുത്തകകൾക്ക് തീറെഴുതുന്ന കേന്ദ്രനയത്തിനെതിരെ ‘കടൽ കടലിന്റെ മക്കൾക്ക്’ മുദ്രാവാക്യമുയർത്തി പര്യടനം നടത്തുന്ന മത്സ്യത്തൊഴിലാളി ഫെഡറേഷൻ (സിഐടിയു) സംസ്ഥാന കാൽനട ജാഥ ഞായറാഴ്ച ജില്ലയിൽ എത്തും. മൂന്നുദിവസമാണ്‌ ജില്ലയിലെ പര്യടനം. സംസ്ഥാന ജനറൽ സെക്രട്ടറി പി പി ചിത്തരഞ്ജൻ നയിക്കുന്ന ജാഥയെ രാവിലെ ഒമ്പതിന് ജില്ലാ അതിർത്തിയായ കടലുണ്ടി പാലത്തിനുസമീപത്ത്‌ സ്വീകരിക്കും.
ആനങ്ങാടിയിലാണ്‌ ആദ്യ സ്വീകരണം. 10ന് ചെട്ടിപ്പടി, പകൽ മൂന്നിന്‌ പരപ്പനങ്ങാടി എന്നിവിടങ്ങളിലെ സ്വീകരണശേഷം വൈകിട്ട് അഞ്ചിന് താനൂർ ഹാർബറിൽ സമാപിക്കും. സമാപനയോഗം സിപിഐ എം പൊളിറ്റ്‌ ബ്യൂറോ അംഗം എ വിജയരാഘവൻ ഉദ്ഘാടനംചെയ്യും. മന്ത്രി വി അബ്ദുറഹ്മാൻ, മുൻമന്ത്രി എസ് ശർമ, കെ ടി ജലീൽ എംഎൽഎ എന്നിവർ പങ്കെടുക്കും.
തിങ്കളാഴ്‌ച രാവിലെ 10ന് പുതിയ കടപ്പുറം, 11ന് ഉണ്ണിയാൽ, പകൽ മൂന്നിന്‌ പറവണ്ണ, വൈകിട്ട് അഞ്ചിന് കൂട്ടായി എന്നിവിടങ്ങളിലാണ്‌ സ്വീകരണം. മന്ത്രി വി അബ്ദുറഹ്മാൻ, സിപിഐ എം സംസ്ഥാന കമ്മിറ്റി അംഗം പി ജയരാജൻ, കെ ടി ജലീൽ എംഎൽഎ എന്നിവർ പങ്കെടുക്കും. ചൊവ്വാഴ്‌ച രാവിലെ 10ന് കാട്ടിലെപള്ളി, 11ന് ജെട്ടിലൈൻ, പകൽ മൂന്നിന്‌ പൊന്നാനി ബസ്‌ സ്‌റ്റാൻഡ്‌, വൈകിട്ട് അഞ്ചിന് വെളിയംകോട്‌ എന്നിവിടങ്ങളിലെ സ്വീകരണശേഷം ആറിന്‌ പുതിയിരുത്തിയിൽ ജില്ലയിലെ പര്യടനം സമാപിക്കും. സമാപനയോഗം സിപിഐ എം സംസ്ഥാന സെക്രട്ടറിയറ്റ് അംഗം എം സ്വരാജ് ഉദ്ഘാടനംചെയ്യും. എംഎൽഎമാരായ പി നന്ദകുമാർ, കെ ടി ജലീൽ എന്നിവർ പങ്കെടുക്കും. ദിവസവും 50 സ്ഥിരാംഗങ്ങളും 500ഓളം മത്സ്യത്തൊഴിലാളികളും പങ്കെടുക്കും.
ഒക്ടോബർ 16ന്റെ കടൽ സംരക്ഷണ ശൃംഖലയുടെ പ്രചാരണാർഥം 16ന് കാഞ്ഞങ്ങാടുനിന്ന്‌ തുടങ്ങിയ ജാഥ ഒക്ടോബർ 13ന് പൂന്തുറയിൽ സമാപിക്കും. പി പി ചിത്തരഞ്ജൻ ക്യാപ്‌റ്റനും ടി മനോഹരൻ, യു സൈനുദ്ദീൻ വൈസ്‌ ക്യാപ്‌റ്റന്മാരും ക്ലൈനസ്‌ റൊസാരിയോ മാനേജറുമാണ്‌. ജാഥയുടെ പ്രചാരണാർഥം മത്സ്യത്തൊഴിലാളി ഫെഡറേഷൻ (സിഐടിയു) ജില്ലാ കമ്മിറ്റി തയ്യാറാക്കിയ സപ്ലിമെന്റ്‌ സിപിഐ എം ജില്ലാ സെക്രട്ടറി ഇ എൻ മോഹൻദാസ്‌ പ്രകാശിപ്പിച്ചു. സിഐടിയു ജില്ലാ ജനറൽ സെക്രട്ടറി വി പി സക്കറിയ ഏറ്റുവാങ്ങി.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
