ജനകീയ പ്രതിരോധമായി പ്രതിഷേധ കൂട്ടായ്‌മകൾ

കേരളത്തിൽ വികസനം വേണ്ടെന്നാണ്‌ 
കേന്ദ്ര നിലപാട്‌: പുത്തലത്ത് ദിനേശൻ

കേരളത്തിൽ ഒരുവികസനവും പാടില്ലെന്ന നയവുമായിട്ടാണ് കേന്ദ്ര സർക്കാർ മുന്നോട്ടുപോകുന്നതെന്ന് സിപിഐ എം സംസ്ഥാന സെക്രട്ടറിയറ്റ് അം​ഗം പുത്തലത്ത് ദിനേശൻ പറഞ്ഞു. മലപ്പുറം മണ്ഡലം പ്രതിഷേധ കൂട്ടായ്മ ഉദ്ഘാടനംചെയ്യുകയായിരുന്നു അദ്ദേഹം. കേരളത്തിന്‌ തരാനുള്ള വിഹിതം വെട്ടിക്കുറച്ച് അർഹതപ്പെട്ട വിഭവങ്ങളും ആനുകൂല്യങ്ങളും കേന്ദ്രം ഇല്ലാതാക്കുമ്പോൾ യുഡിഎഫ്‌ എംപിമാരും ഒരുകൂട്ടം മാധ്യമങ്ങളും കേരളത്തെ ഒറ്റുകൊടുക്കുകയാണ്‌. കേരളത്തെ പ്രതിരോധത്തിലാക്കുമ്പോൾ നാടിനായി സംസാരിക്കേണ്ട യുഡിഎഫിന്റെ എംപിമാർ രാഷ്ട്രീയത്തിന്റെ പേരിൽ നിശ്ശബ്ദരായിരിക്കുകയാണ്‌. കേരളം നേരിടുന്ന പ്രതിസന്ധി മറികടക്കാൻ ജനങ്ങൾ മുന്നോട്ടുവരണം.