പിഎസ്‌സി പരീക്ഷാ കേന്ദ്രങ്ങളിൽ മാറ്റം

കോഴിക്കോട്‌ 

നിപാ നിയന്ത്രിതമേഖലയിൽ ഉൾപ്പെടുന്നതിനാൽ പബ്ലിക് സർവീസ് കമീഷൻ 26ന് നടത്തുന്ന പരീക്ഷയുടെ രണ്ട്‌ കേന്ദ്രങ്ങളിൽ മാറ്റം. ബ്ലൂ പ്രിന്റർ (കാറ്റഗറി നമ്പർ 260/2022), വാച്ച്മാൻ (കാറ്റഗറി നമ്പർ 459/2022), ലാസ്റ്റ് ഗ്രേഡ് സർവന്റ്സ് (കാറ്റഗറി നമ്പർ 734/ 2022), സെക്യൂരിറ്റി ഗാർഡ്/ സെക്യൂരിറ്റി ഗാർഡ് ഗ്രേഡ് 2, വാച്ചർ ഗ്രേഡ് 2 (കാറ്റഗറി നമ്പർ 745/2022), ലാസ്റ്റ് ഗ്രേഡ് സർവന്റ്സ് (എക്സ് സർവീസ് മെൻ ഓൺലി) (കാറ്റഗറി നമ്പർ 241/ 2022, 242/ 2022, 540/ 2022 ) എന്നീ തസ്തികകളിലേക്ക്‌ പരീക്ഷ നടത്തുന്ന ജിഎച്ച്എസ്എസ് ബേപ്പൂർ (സെന്റർ ഒന്ന്), ജിഎച്ച്എസ്എസ് ബേപ്പൂർ (സെന്റർ രണ്ട്) എന്നീ കേന്ദ്രങ്ങളിലാണ് മാറ്റം.  സെന്റർ ഒന്നിൽ (രജിസ്റ്റർ നമ്പർ - 1132790 –- --1133009) നടക്കേണ്ട പരീക്ഷ കുറ്റിച്ചിറ ഗവ. വൊക്കേഷണൽ ഹയർ സെക്കൻഡറി സ്കൂളിന്റെ പ്ലസ് ടു വിഭാഗത്തില്‍. സെന്റർ രണ്ടിൽ നടക്കേണ്ട പരീക്ഷ (രജിസ്റ്റർ നമ്പർ 1133010- –- -1133229) കുണ്ടുങ്ങൽ കലിക്കറ്റ് ഗേൾസ് വൊക്കേഷണൽ ഹയർ സെക്കൻഡറി സ്കൂളിലും നടക്കും.  സമയത്തിൽ മാറ്റമില്ല. പഴയ അഡ്മിഷൻ ടിക്കറ്റുമായി പുതിയ പരീക്ഷാ കേന്ദ്രത്തിൽ എത്തണം.