29 March Friday
ജ്വല്ലറി നിക്ഷേപത്തട്ടിപ്പ്‌

യൂത്ത്‌ ലീഗ്‌ പഞ്ചായത്ത്‌ 
പ്രസിഡന്റ്‌ കീഴടങ്ങി

സ്വന്തം ലേഖകന്‍Updated: Thursday Sep 23, 2021
 
കുറ്റ്യാടി
മുസ്ലിംലീഗ്‌ നേതാക്കളുടെ നേതൃത്വത്തിൽ നടന്ന ജ്വല്ലറി നിക്ഷേപത്തട്ടിപ്പ്‌ കേസിൽ യൂത്ത്‌ ലീഗ്‌ കായക്കൊടി പഞ്ചായത്ത്‌ പ്രസിഡന്റ്‌ കീഴടങ്ങി. ഗോൾഡ്‌ പാലസ്‌ ജ്വല്ലറി പാർട്ണർമാരിലൊരാൾകൂടിയായ കരണ്ടോട് തൊടുപൊയിൽ സബീലാണ്‌ കീഴടങ്ങിയത്‌.
ജ്വല്ലറി തട്ടിപ്പ്‌ പുറത്തായതിനെ തുടർന്ന്‌ ഒളിവിൽ കഴിയുകയായിരുന്നു സബീൽ. മുൻകൂർ ജാമ്യാപേക്ഷ നേടാനുള്ള  ശ്രമവും നടത്തിയിരുന്നു. ജാമ്യം ലഭിക്കില്ലെന്ന്‌ ഉറപ്പായതോടെയാണ്‌ കുറ്റ്യാടി പൊലീസിൽ കീഴടങ്ങിയത്‌. നാദാപുരം ജുഡീഷ്യൽ ഫസ്റ്റ്‌ക്ലാസ്‌ മജിസ്‌ട്രേറ്റ്‌ കോടതിയിൽ ഹാജരാക്കിയ പ്രതിയെ റിമാൻഡ്‌ ചെയ്‌തു. വഞ്ചനാക്കുറ്റമടക്കമുള്ളവയാണ്‌ ഇയാൾക്കെതിരെ ചുമത്തിയത്‌.
കുറ്റ്യാടി, കല്ലാച്ചി, പയ്യോളി എന്നിവിടങ്ങളിലാണ്‌ ജ്വല്ലറിക്ക് ശാഖകളുള്ളത്. പലരിൽനിന്നായി നൂറുകോടിയിലേറെ രൂപയാണ്‌ നിക്ഷേപമായി തട്ടിയത്‌. ആഗസ്‌ത്‌ 26നാണ്‌ ജ്വല്ലറി പൂട്ടി ഉടമകൾ മുങ്ങിയത്‌. ഇതോടെ കുറ്റ്യാടി, നാദാപുരം, പയ്യോളി പൊലീസ് സ്റ്റേഷനുകളിൽ നിരവധി പരാതികളെത്തി. 
തുടർന്ന്‌ നടന്ന അന്വേഷണത്തിൽ യൂത്ത്‌ ലീഗ്‌ കുറ്റ്യാടി ടൗൺ ശാഖ പ്രസിഡന്റ്‌ കുളങ്ങരത്താഴ വി പി സമീറി(സബീർ)നെ അറസ്റ്റ്‌ ചെയ്‌തു. കല്ലാച്ചി ന്യൂ ഗോൾഡ് എംഡിയും യൂത്ത് ലീഗ് സജീവ പ്രവർത്തകനുമായ വടയം വെള്ളം പറമ്പത്ത് റുംഷാദ്‌, പ്രവാസി ലീഗ് നേതാക്കളായ കരണ്ടോട് സ്വദേശികളായ തയ്യുള്ളതിൽ മുഹമ്മദ്, കെ പി ഹമീദ്, പാലേരി ചെറിയ കുമ്പളം ചെമ്പോട് കണ്ടി ഹമീദ് എന്നിവരും പിന്നീട്‌ പിടിയിലായി.

ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..



മറ്റു വാർത്തകൾ
----
പ്രധാന വാർത്തകൾ
-----
-----
 Top