വടകര
വടകര നഗരസഭയുടെ വികേന്ദ്രീകൃത വാതിൽപ്പടി അജൈവ മാലിന്യ ശേഖരണവും മറ്റ് സൂക്ഷ്മ ഹരിത സംരംഭങ്ങളും ആലപ്പുഴയിലും നടപ്പാക്കാൻ ശ്രമിക്കുമെന്ന് മുൻ മന്ത്രി ഡോ. തോമസ് ഐസക് പറഞ്ഞു. ജെടി റോഡിലുള്ള ഗ്രീൻ ടെക്നോളജി സെന്ററിൽ ജോബ് പോർട്ടൽ ഉദ്ഘാടനംചെയ്യുകയായിരുന്നു അദ്ദേഹം. നഗരസഭാ ചെയർമാൻ കെ പി ബിന്ദു അധ്യക്ഷയായി.
എ പി പ്രജിത, സജീവ് കുമാർ, സിന്ധുപ്രേമൻ, വി കെ അസീസ്, മുൻ ചെയർമാൻ കെ ശ്രീധരൻ, ഹരിയാലി കോ ഓർഡിനേറ്റർ മണലിൽ മോഹനൻ, ജിബിൻ തുടങ്ങിയവർ സംസാരിച്ചു. വൈസ് ചെയർമാൻ പി കെ സതീശൻ സ്വാഗതവും നഗരസഭാ സെക്രട്ടറി കെ മനോഹർ നന്ദിയും പറഞ്ഞു.
ഹരിയാലി ഹരിതകർമസേനയുടെ ഹരിത സംരംഭങ്ങളായ എംആർഎഫ്, ഗ്രീൻഷോപ്പ്‌, റിപ്പയർ ഷോപ്പ്, സ്വാപ്പ് ഷോപ്പ്, മുനിസിപ്പൽ പാർക്ക്‌ തുടങ്ങിയവ ഡോ. തോമസ് ഐസക് സന്ദർശിച്ചു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
