06 October Thursday

റെയിൽവേ സ്‌റ്റേഷൻ ലിഫ്റ്റിൽ 
യുവതിയും മക്കളും കുടുങ്ങി

വെബ് ഡെസ്‌ക്‌Updated: Sunday Aug 14, 2022

വടകര റെയിൽവേ സ്റ്റേഷൻ ലിഫ്റ്റിൽ കുടുങ്ങിയ യുവതിയെയും കുട്ടികളെയും അഗ്നിരക്ഷാ രക്ഷപ്പെടുത്തുന്നു

വടകര
യുവതിയും കൈക്കുഞ്ഞടക്കം രണ്ടുകുട്ടികളും റെയിൽവേ സ്റ്റേഷനിലെ ലിഫ്റ്റിൽ കുടുങ്ങി.  ശനി പകൽ മൂന്നോടെയാണ് ലോകനാർകാവ് സ്വദേശിനിയായ യുവതിയും കുട്ടികളും ലിഫ്റ്റിൽ കുടുങ്ങിയത്. രണ്ടാം പ്ലാറ്റ്ഫോമിൽ ട്രെയിൻ ഇറങ്ങിയ ഇവർ ഒന്നാം പ്ലാറ്റ്ഫോമിലേക്ക്  ലിഫ്റ്റിൽ കയറിയതായിരുന്നു. ഇതിനിടെ ലിഫ്റ്റിന്റെ പ്രവർത്തനം നിലച്ചു. 
തുറക്കാതായതോടെ യുവതി പരിഭ്രാന്തിയിലായി. സൈറൺ ഉയർന്നതോടെ റെയിൽവേ ജീവനക്കാരെത്തി ഇവരെ പുറത്തെത്തിക്കാനുള്ള ശ്രമം നടത്തിയെങ്കിലും പരാജയപ്പെട്ടു. തുടർന്ന്‌ സ്ഥലത്തെത്തിയ അഗ്നിരക്ഷാസേന പൂട്ട്‌ എമർജൻസി താക്കോലുപയോഗിച്ച് തുറന്ന്‌ ഇവരെ പുറത്തെത്തിച്ചു. അഗ്നിരക്ഷാസേന അസി. സ്റ്റേഷൻ ഓഫീസർ കെ സതീശൻ, ടി സജീവൻ, സി സി ജ്യോതികുമാർ, റിജീഷ് കുമാർ, എം വിപിൻ തുടങ്ങിയവർ രക്ഷാപ്രവർത്തനത്തിൽ പങ്കെടുത്തു.

ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..



----
പ്രധാന വാർത്തകൾ
-----
-----
 Top