കോഴിക്കോട്
ജില്ലയിൽ കനത്ത കാലവർഷത്തിൽ വ്യാപകനാശം. 12 വീടുകൾ ഭാഗികമായി തകർന്നു. കടൽക്ഷോഭവും ശക്തമായി. കടലാക്രമണത്തെ തുടർന്ന്‌ വെസ്റ്റ്ഹിൽ, അത്താണിക്കൽ, കോയാറോഡ് ബീച്ചുകളിലെ എൺപതോളം വീടുകൾ തകർച്ചാഭീഷണിയിലാണ്‌. അതിശക്തമായ കാറ്റിനൊപ്പം വീശിയടിച്ച തിരമാലയിൽ ശാന്തിനഗർ കോളനിയിലെ അമ്പതോളം വീടുകളിൽ വെള്ളം കയറി. അരക്കിലോമീറ്ററോളം പ്രദേശത്ത് കടൽഭിത്തി തകർന്നു. കടലിലും കരയിലുമായി ഉണ്ടായിരുന്ന മാലിന്യങ്ങൾ വീടുകൾക്കകത്തെത്തി.
കരുവൻതിരുത്തി ബഡേരി മുഹമ്മദ്‌ ബഷീർ, കുമാരനെല്ലൂർ സരോജിനി ചൂരക്കട്ടിൽ, തിനൂ മുള്ളമ്പത്ത് പാറവട്ടം ചന്ദ്രൻ, കാവിലുമ്പാറ വെട്ടിക്കുഴിയിൽ ജോസ്, ഞാറക്കാട്ടിൽ പുഷ്‌പരാജൻ, കോട്ടൂർ കുട്ടിക്കണ്ടി തങ്കമണി, കൂരാച്ചുണ്ട് കുഴിപ്പള്ളി സുലോചന, എരവട്ടൂർ എടവരാട് തെയോത്ത് മീത്തൽ ദേവി, കൊഴുക്കല്ലൂർ മലയിൽവളപ്പിൽ ജയചന്ദ്രൻ, തിരുവമ്പാടിയിൽ കുനിയം പറമ്പത്ത് ഇടത്തിൽ ഗോപി എന്നിവരുടെ വീടുകൾ മരംവീണ് ഭാഗികമായി തകർന്നു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
