ഓച്ചിറ
കർഷകമോർച്ച കരുനാഗപ്പള്ളി മണ്ഡലം പ്രസിഡന്റും ബിജെപി നേതാവുമായ സി ബി ബാബുവിന്റെ നേതൃത്വത്തിൽ ബിജെപി അടക്കമുള്ള രാഷ്ട്രീയ പാർടികളിൽനിന്ന്‌ രാജിവച്ച് പത്തോളം പേർ സിപിഐ എമ്മിനൊപ്പം ചേർന്നു പ്രവർത്തിക്കാൻ തീരുമാനിച്ചു. സിപിഐ എം പായിക്കുഴി ബി ബ്രാഞ്ച് സമ്മേളനത്തിൽ ഏരിയ സെക്രട്ടറി പി ബി സത്യദേവൻ പാർട്ടി പതാക കൈമാറി ഇവരെ സ്വീകരിച്ചു
ബിജെപി പ്രവർത്തകരായ ഷൈലജ, എസ് അശ്വതി എന്നിവർ ഉൾപ്പെടെയാണ്‌ സിപിഐ എമ്മിനൊപ്പം പ്രവർത്തിക്കാൻ തീരുമാനിച്ചത്‌. രമേശൻ അധ്യക്ഷനായി. ലോക്കൽ സെക്രട്ടറി സുരേഷ് നാറാണത്ത്, പി ബിന്ദു, എച്ച് ഷാജിലാൽ, സരസ്വതി, ഗോപിനാഥൻ പിള്ള, ശ്രീധരൻ പിള്ള, ജയകുമാർ എന്നിവർ പങ്കെടുത്തു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
