കൊല്ലം
രോഗീപരിചരണ സുരക്ഷാ അവബോധ പ്രദർശനം "സുരക്ഷ 2023'ന് എൻ എസ് സഹകരണ ആശുപത്രിയിൽ തുടക്കമായി. ആശുപത്രി ക്യാമ്പസിൽ പ്രത്യേകം സജീകരിച്ച പവലിയനിൽ മേയർ പ്രസന്ന ഏണസ്റ്റ് പ്രദർശനം ഉദ്ഘാടനംചെയ്തു. ആശുപത്രി സംഘം പ്രസിഡന്റ് പി രാജേന്ദ്രൻ അധ്യക്ഷനായി. ജില്ലയിൽ ആദ്യമായാണ് ഒരു ആശുപത്രി ആരോഗ്യപരിചരണത്തിനൊപ്പം രോഗീസുരക്ഷയിലും കൂടുതൽ ഊന്നൽ നൽകുന്നതിനായി സുരക്ഷാ അവബോധ പ്രദർശനം സംഘടിപ്പിക്കുന്നത്.
ആശുപത്രി ഭരണസമിതിഅംഗം പി കെ ഷിബു, മെഡിക്കൽ സൂപ്രണ്ട് ടി ആർ ചന്ദ്രമോഹൻ, മെഡിക്കൽ അഡ്മിനിസ്ട്രേറ്റർ വി കെ സുരേഷ്കുമാർ, ഡെപ്യൂട്ടി മെഡിക്കൽ സൂപ്രണ്ട് ഡി ശ്രീകുമാർ, സീനിയർ ഇന്റർവെൻഷണൽ കാർഡിയോളജിസ്റ്റ് സുജയ് രംഗ, ഇഎൻടി സർജൻ അനീഷ്കൃഷ്ണൻ എന്നിവർ സംസാരിച്ചു. വൈസ് പ്രസിഡന്റ് എ മാധവൻപിള്ള സ്വാഗതവും സെക്രട്ടറി പി ഷിബു നന്ദിയും പറഞ്ഞു.
രോഗികൾക്ക് പ്രത്യക്ഷമായൊ പരോക്ഷമായൊ ഉണ്ടാകാവുന്ന സുരക്ഷിത പ്രശ്നങ്ങൾ എങ്ങനെ പരിഹരിക്കാമെന്ന സന്ദേശമാണ് പ്രദർശനം. രോഗീപരിചരണത്തിന് ഉപയോഗിക്കുന്ന ഉപകരണവും അവയുടെ സുരക്ഷാ മാനദണ്ഡങ്ങളും വിദ്യാർഥികൾക്കും പൊതുജനങ്ങൾക്കും പ്രയോജനകരമാകുന്ന വിധത്തിൽ രാവിലെ ഒമ്പതു മുതൽ വൈകിട്ട് ആറുവരെയാണ് പ്രദർശനം. ആരോഗ്യമേഖലയിൽ പ്രവർത്തിക്കേണ്ടി വരുന്നവർക്കും വിദ്യാർഥികൾക്കും ഭാവിയിലേക്ക് മുതൽക്കൂട്ടാണ് പ്രദർശനം. രോഗികൾക്ക് അണുബാധയിൽനിന്ന് സംരക്ഷണം, സുരക്ഷിതമായി മരുന്നുകൾ കൈകാര്യം ചെയ്യൽ, സുരക്ഷിത കുടിവെള്ളം, സുരക്ഷിതമായി രോഗികളെ കൊണ്ടുപോകൽ, അഗ്നിസുരക്ഷ, ആശുപത്രിയിൽ ഉപയോഗിക്കുന്ന രാസവസ്തുക്കളുടെ സുരക്ഷ, വൈദ്യുതി സുരക്ഷ, സുരക്ഷിതമായ രക്തദാനം, വീഴ്ച തടയൽ, റേഡിയേഷൻ സുരക്ഷ തുടങ്ങി വിവിധ മേഖലകളും ഉൾപ്പെടുത്തിയിട്ടുണ്ട്. പ്രദർശനം ശനിയാഴ്ച സമാപിക്കും. ഫോണ് : 8848814871.
ദേശാഭിമാനി വാർത്തകൾ ഇപ്പോള് വാട്സാപ്പിലും ലഭ്യമാണ്.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
