കൊല്ലം-
കൊല്ലം –- ചെങ്കോട്ട പാതയിലെ ട്രെയിൻ യാത്രാക്രമീകരണം യാത്രക്കാർക്ക് പ്രയോജനപ്പെടും വിധമാക്കണമെന്ന് ധനമന്ത്രി കെ എൻ ബാലഗോപാൽ ആവശ്യപ്പെട്ടു. യാത്രക്കാരുടെ വിവിധ ആവശ്യങ്ങൾ മുൻനിർത്തി കേന്ദ്ര റെയിൽവേ മന്ത്രി അശ്വിനി വൈഷ്ണവിന് മന്ത്രി കത്ത് നൽകി.
ചെങ്കോട്ട –-- പുനലൂർ പാതയിൽ നിലവിൽ ഓടിക്കൊണ്ടിരിക്കുന്ന ട്രെയിനുകളിലെ കോച്ചുകളുടെ എണ്ണം കൂട്ടണം. റദ്ദാക്കിയ 06659/06660 നമ്പർ ട്രെയിൻ പുനഃസ്ഥാപിക്കുകയും വേണം. യാത്രക്കാർക്ക് സൗകര്യപ്രദമായ സമയം നിശ്ചയിക്കണം. മയിലാടുതുറൈ- ചെങ്കോട്ട എക്സ്പ്രസ് കൊല്ലം വരെയാക്കണം. തിരുനെൽവേലി –- മാംഗളൂർ സ്പെഷ്യൽ പ്രതിവാര ട്രെയിൻ തുടങ്ങണം. കൊല്ലം –-ചെന്നൈ എഗ്മൂർ, മധുരൈ- പുനലൂർ ട്രെയിനുകളുടെ സമയക്രമവും യാത്രക്കാരുടെ സൗകര്യാർഥമാക്കണം. ശബരിമല സ്പെഷ്യൽ സർവീസുകൾ തുടങ്ങണമെന്ന ആവശ്യവും മന്ത്രി ഉന്നയിച്ചിട്ടുണ്ട്. യാത്രക്കാരുടെ കൂട്ടായ്മ നൽകിയ പരാതികൂടി പരിഗണിച്ചാണ് കത്തു നൽകിയത്.
ദേശാഭിമാനി വാർത്തകൾ ഇപ്പോള് വാട്സാപ്പിലും ലഭ്യമാണ്.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
