തിരുവനന്തപുരം/കൊല്ലം
സിപിഐ എം പൊളിറ്റ്‌ ബ്യൂറോ അംഗവും സിഐടിയു അഖിലേന്ത്യാ പ്രസിഡന്റുമായിരുന്ന ബാലാനന്ദന്റെ സ്‌മരണ പുതുക്കി. പാർടി ഓഫീസുകൾ അലങ്കരിച്ചും പതാക ഉയർത്തിയും കോവിഡ്‌ മാനദണ്ഡങ്ങൾ പാലിച്ചായിരുന്നു ദിനാചരണത്തിന്റെ ഭാഗമായ പരിപാടികൾ.
എ കെ ജി സെന്ററിൽ സിപിഐ എം സംസ്ഥാന സെക്രട്ടറിയറ്റ്‌ അംഗം ആനത്തലവട്ടം ആനന്ദൻ പതാക ഉയർത്തി. തിരുവനന്തപുരം ജില്ലാ കമ്മിറ്റി ആസ്ഥാനമായ കാട്ടായിക്കോണം വി ശ്രീധർ സ്മാരക മന്ദിരത്തിൽ ജില്ലാ സെക്രട്ടറി ആനാവൂർ നാഗപ്പൻ പതാക ഉയർത്തി.
കൊല്ലത്ത്‌ സിപിഐ എം, സിഐടിയു ഓഫീസുകളിൽ പതാക ഉയർത്തി. തൊഴിലിടങ്ങളിൽ കോവിഡ്‌ മാനദണ്ഡം പാലിച്ച്‌ അനുസ്മരണയോഗം സംഘടിപ്പിച്ചു. കെഎസ്ഇബി വർക്കേഴ്സ് അസോസിയേഷൻ (സിഐടിയു) ജില്ല കോഓഡിനേഷൻ കമ്മിറ്റി സംഘടിപ്പിച്ച അനുസ്മരണയോഗം സിഐടിയു ജില്ലാസെക്രട്ടറി എസ് ജയമോഹൻ ഉദ്ഘാടനംചെയ്തു. അസോസിയേഷൻ സംസ്ഥാന ജോയിന്റ് സെക്രട്ടറി എ കെ ഫൈസൽ അധ്യക്ഷനായി. വൈസ് പ്രസിഡന്റ്‌ ജി സാബു സ്വാഗതവും വി ഗിരിജകുമാരി നന്ദിയും പറഞ്ഞു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
