പുനലൂർ
കൊല്ലം-–-തിരുമംഗലം ദേശീയപാതയിൽ മിനി കണ്ടെയ്നർ ലോറി എതിർദിശയിൽനിന്ന് എത്തിയ ടിപ്പർ ലോറിയിലേക്ക് ഇടിച്ചുകയറി. തമിഴ്നാട് സ്വദേശിയായ ഡ്രൈവർക്ക് നിസാര പരിക്കേറ്റു. ബുധനാഴ്ച വൈകിട്ട് 4.30ന് പ്ലാച്ചേരിയിലാണ് അപകടം. തമിഴ്നാട്ടിൽനിന്ന് പുനലൂർ ഭാഗത്തേക്ക് വന്ന മിനി കണ്ടെയ്നർ ലോറി പാതയോരത്തെ മരത്തിൽ ഇടിച്ചശേഷം എതിർദിശയിൽനിന്ന് എത്തിയ ടിപ്പറിന്റെ മുന്നിൽ ഇടിക്കുകയായിരുന്നു. കണ്ടെയ്നർ ലോറിയുടെ മുൻഭാഗം തകർന്നു. ഇതിനിടെ എൻജിനിൽനിന്ന് റോഡിലേക്ക് ഒഴുകിയ ഓയിലിൽ ഇരുചക്ര വാഹനം കയറി തെന്നിവീണ് വെള്ളിമല സ്വദേശിയായ രാധാകൃഷ്ണന് നിസാര പരിക്കേറ്റു. അപകടത്തെ തുടർന്ന് ദേശീയപാതയിൽ അരമണിക്കൂറോളം ഗതാഗതം മുടങ്ങി. പുനലൂർ പൊലീസ് എത്തി ഗതാഗതം പുനഃസ്ഥാപിച്ചു.
പടം
ദേശാഭിമാനി വാർത്തകൾ ഇപ്പോള് വാട്സാപ്പിലും ടെലഗ്രാമിലും ലഭ്യമാണ്.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..