കൊല്ലം
വിദ്യാഭ്യാസ മേഖലയിൽ രണ്ടു മേഖലയിലായി 33 പ്രബന്ധം അവതരിപ്പിച്ചു. കൊല്ലത്തിന്റെ വിദ്യാഭ്യാസ ചരിത്രം വിളിച്ചോതുന്നതായിരുന്നു വിദ്യാഭ്യാസം അക്കാദമിക് സെഷൻ. വിദ്യാഭ്യാസ മേഖലയിൽ ജില്ല കൈവരിച്ച നേട്ടങ്ങൾ, പരിമിതികൾ, പ്രകടനങ്ങൾ തുടങ്ങിയവ സെഷന്റെ ഭാഗമായി. ചരിത്രത്തിലും വർത്തമാനത്തിലും മാത്രം ഒതുങ്ങരുതെന്നും ദേശീയ വിദ്യാഭ്യാസ നയത്തിന്റെ അലയൊലികൾ ഉയരുന്ന കാലഘട്ടത്തിൽ മേഖലയുടെ ഭാവിയും ചർച്ചയാക്കേണ്ടത് അനിവാര്യമാണെന്നും വിലയിരുത്തി. സിപിഐ എം സംസ്ഥാന കമ്മിറ്റി അംഗം ചിന്താ ജെറോം അധ്യക്ഷയായി. പ്രൊഫ. ജെ പ്രസാദ് മോഡറേറ്ററായി. ഡോ. എം ശ്രീകുമാർ സ്വാഗതം പറഞ്ഞു.
ജില്ലയിൽ നടപ്പാക്കേണ്ട വികസന പദ്ധതികളും വിവിധ പഠനങ്ങളുംകൊണ്ട് സമ്പന്നമായിരുന്നു വേദി ആറിൽ നടന്ന സാങ്കേതിക വിദ്യാഭ്യാസം അക്കാദമിക് സെഷൻ. 12 പ്രബന്ധം അവതരിപ്പിച്ച സെഷനിൽ പ്രൊഫ. പി ഒ ജെ ലബ്ബ അധ്യക്ഷനായി. ഡോ. എസ് അയൂബ് മോഡറേറ്ററായി. ഡോ. കെ ജി സന്തോഷ്കുമാർ സ്വാഗതം പറഞ്ഞു.
ദേശാഭിമാനി വാർത്തകൾ ഇപ്പോള് വാട്സാപ്പിലും ലഭ്യമാണ്.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
