01 February Wednesday

വെസ്റ്റ് എളേരി പഞ്ചായത്തിലേക്ക്‌ സിപിഐ എം മാർച്ച് ഇന്ന്

വെബ് ഡെസ്‌ക്‌Updated: Tuesday Nov 29, 2022

 ഭീമനടി   

വെസ്റ്റ് എളേരി പഞ്ചായത്ത് ഭരണസമിതിയുടെ കർഷകവിരുദ്ധ നടപടിക്കും സ്വജനപക്ഷപാതത്തിനും എതിരെ സിപിഐ എം എളേരി ഏരിയാ കമ്മിറ്റി നേതൃത്വത്തിൽ ചൊവ്വ പഞ്ചായത്ത് ഓഫീസ് മാർച്ച് നടത്തും. രാവിലെ 10ന് ജില്ലാ സെക്രട്ടറിയറ്റ് അംഗം സാബു അബ്രഹാം ഉദ്ഘാടനം ചെയ്യും. ജനകീയ പ്രശ്നങ്ങളോടെല്ലാം പഞ്ചായത്ത് മുഖംതിരിഞ്ഞ് നിൽക്കുകയാണ്. കർഷകർക്ക് നൽകേണ്ട വളം ഉൾപ്പെടെയുള്ള ആനുകൂല്യം പോലും യഥാസമയം നൽകാനോ, ആവശ്യക്കാർക്ക് നൽകാനോ കഴിയുന്നില്ല. ഭരണസമിതിയെടുക്കേണ്ട നിർണായക തീരുമാനങ്ങൾപോലും അജ്ഞാത കേന്ദ്രത്തിൽനിന്നുമുണ്ടാകുന്നു. പഞ്ചായത്ത് പ്രസിഡന്റിനെപോലും നോക്കുകുത്തിയാക്കി പഞ്ചായത്ത് ഭരണം ഹൈജാക്ക് ചെയ്യുന്ന സമീപനമാണ് നടക്കുന്നത്. ഇത് ജനങ്ങളുടെ നിത്യജീവിതവുമായി ബന്ധപ്പെട്ട പ്രശ്നങ്ങളെപോലും ദുരിതത്തിലാക്കുന്നു. ഈ സാഹചര്യത്തിലാണ് സിപിഐ എം പഞ്ചായത്ത് ഓഫീസ് മാർച്ച് നടത്തുന്നതെന്ന്‌ ഏരിയാ സെക്രട്ടറി ടി കെ സുകുമാരൻ പറഞ്ഞു.
 

ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..



----
പ്രധാന വാർത്തകൾ
-----
-----
 Top