ചെറുവത്തൂർ
മുഖ്യമന്ത്രിയുടെ ദുരിതാശ്വാസ നിധിയിൽ നിന്നും തൃക്കരിപ്പൂർ മണ്ഡലത്തിൽ ലഭ്യമാക്കിയത്‌ 1.86 കോടി രൂപ. എം രാജഗോപാലൻ എംഎൽഎക്ക്‌ ലഭിച്ച അപേക്ഷകളിലാണ്‌ അർഹരായവർക്ക്‌ ധനസഹായം ലഭിച്ചത്‌. വിവിധ പഞ്ചായത്തുകളിലെ 1291 ഗുണഭോക്താക്കൾക്കാണ്‌ സഹായം ലഭിച്ചത്‌. കഴിഞ്ഞ മെയ്‌ മുതൽ ഈ വർഷം മാർച്ചുവരെയുള്ള ഒരുവർഷത്തെ കണക്കാണിത്‌. പ്രകൃതിദുരന്തങ്ങളാൽ ദുരിതമനുഭവിച്ച കുടുംബങ്ങൾ, വ്യക്തികൾ, അപകടത്തിൽ ബന്ധുക്കളുടെ ജീവൻ നഷ്ടപ്പെട്ടവർ, ഗുരുതരമായ രോഗങ്ങളുള്ളവർക്ക്‌ വൈദ്യചികിത്സ എന്നിങ്ങനെയാണ്‌ മുഖ്യമന്ത്രിയുടെ ദുരിതാശ്വാസ നിധിയിൽ നിന്ന്‌ സഹായം നൽകുന്നത്‌. വലിയപറമ്പ്‌ -205 പേർക്ക് -26.28 ലക്ഷം,തൃക്കരിപ്പൂർ -190 പേർക്ക് - 29.84, നീലേശ്വരം മുനിസിപ്പാലിറ്റി- 149 പേർക്ക് - 19.46, പിലിക്കോട് -97 പേർക്ക്- 9.97, പടന്ന -206 പേർക്ക് -37.97, ഈസ്റ്റ് എളേരി -54 പേർക്ക് -7.39, വെസ്റ്റ്‌ എളേരി 128 പേർക്ക് - 16.79, കയ്യൂർ ചീമേനി -128 പേർക്ക് -16.47, ചെറുവത്തൂർ -143 പേർക്ക് -21.98 ലക്ഷം രൂപ എന്നിങ്ങനെയാണ്‌ സഹായം ലഭിച്ചത്‌.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
