നാളെ ഡിവൈഎഫ്ഐ പ്രതിഷേധ ട്രെയിൻ യാത്ര

കാസർകോട്‌

കേരളത്തിലൂടെ ഓടുന്ന പ്രധാന ട്രെയിനുകളുടെ സ്ലീപ്പർ കോച്ചുകൾ വെട്ടിച്ചുരുക്കുന്നതിനെതിരെ തിങ്കളാഴ്‌ച ഡിവൈഎഫ്‌ഐ ആഭിമുഖ്യത്തിൽ പ്രതിഷേധ ട്രെയിൻ യാത്ര സംഘടിപ്പിക്കും. ജില്ലയിലെ എട്ടുബ്ലോക്ക് കമ്മിറ്റികളുടെ നേതൃത്വത്തിലും പ്രതിഷേധ ട്രെയിൻ യാത്ര നടത്തും. 

പ്രധാന ട്രെയിനുകളിലെ സ്ലീപ്പർ കോച്ചുകൾ വെട്ടിക്കുറച്ച് പകരം തേഡ് എസി ആക്കുകയാണ്. സ്ലീപ്പർ കോച്ചുകൾ കുറച്ചാൽ  സാധാരണക്കാർ ബുദ്ധിമുട്ടിലാകും. മാവേലി, മംഗളൂരു എക്സ്പ്രസ് തുടങ്ങിയ ജനകീയ ട്രെയിനുകളിലാണ് കോച്ചുകൾ കുറക്കുന്നത്. യാത്രാപ്രശ്നങ്ങൾ പരിഹരിക്കാൻ കൂടുതൽ ട്രെയിനുകൾ അനുവദിക്കുകയാണ് കേന്ദ്രസർക്കാർ ചെയ്യേണ്ടത്. രാഷ്ട്രീയ വിരോധത്താൽ കേരളത്തെ റെയിൽവേയെ അവഗണിക്കുകയാണ്‌. ഇതോടെ യാത്ര കൂടുതൽ ദുരിതമായി.