സുഖനിദ്രക്ക് 
'സുഷുപ്തി' കിടക്കകൾ

ഉറക്കം കൂടുതൽ സുഖകരമാക്കാൻ പ്രകൃതിദത്തമായ ഉന്നം നിറച്ച് തയ്യാറാക്കുന്ന സുഷുപ്തി കിടക്കകളുമായി ഖാദി. പയ്യന്നൂർ ഖാദി കേന്ദ്രത്തിന് കീഴിലാണ് കൈകൊണ്ട് ചർക്കയിലുണ്ടാക്കുന്ന നൂലുപയോഗിച്ച് ഖാദി തറികളിൽ നെയ്തെടുക്കുന്ന ഖാദി തുണിയിൽ ഉന്നം നിറച്ച കിടക്കകൾ വിപണിയിലിറക്കിയത്. കിടക്കകളുടെ ലോഞ്ചിങ് കേരള ഖാദി ഗ്രാമ വ്യവസായ ബോർഡ് വൈസ് ചെയർമാൻ പി ജയരാജൻ നിർവഹിച്ചു.  സുഷുപ്തി സീരീസിൽ മടക്ക് കിടക്കകൾ, ചുരുട്ട് കിടക്കകൾ, പരമ്പരാഗത ഡിസൈനിൽനിന്ന് വ്യത്യസ്തമായ തലയണകൾകൂടി പുറത്തിറക്കിയിട്ടുണ്ട്.

   കണ്ണൂർ ഖാദി ഗ്രാമ സൗഭാഗ്യയിൽ നടന്ന ചടങ്ങിൽ ഖാദി ബോർഡ് അംഗം എസ് ശിവരാമൻ അധ്യക്ഷനായി. രാമചന്ദ്രൻ കടന്നപ്പള്ളി എംഎൽഎ ഖാദി ജീവിതചര്യയാക്കിയവരെ ആദരിച്ചു. ജില്ലാ ഓർത്തോപീഡിക് സൊസൈറ്റി സെക്രട്ടറി ഡോ. കെ ജയദേവ്, ജില്ലാ ആയുർവേദ ആശുപത്രി സൂപ്രണ്ട് ഡോ. ജി ശ്യാമ കൃഷ്ണൻ മുഖ്യാതിഥിയായി. കോർപ്പറേഷൻ സ്ഥിരംസമിതി അധ്യക്ഷൻ സുരേഷ് ബാബു എളയാവൂർ, ഖാദി ബോർഡ് സെക്രട്ടറി ഡോ. കെ എ രതീഷ്, എഫ് ആൻഡ് സിഇഒ ഡി സദാനന്ദൻ, ഡയറക്ടർമാരായ കെ കെ ചാന്ദിനി, ടി എസ് മാധവൻ നമ്പൂതിരി, കെ വി ഗിരീഷ് കുമാർ, സി സുധാകരൻ, പി എൻ മേരി വിർജിൻ, കെ വി രാജേഷ് എന്നിവർ സംസാരിച്ചു.