കണ്ണൂർ
ആയിക്കരയിൽ പേവിഷബാധയേറ്റ പശുവിന് ദയാവധം. ഞായർ രാവിലെ മുതലാണ് ആയിക്കരയിലും പരിസരപ്രദേശങ്ങളിലും അലഞ്ഞുതിരിയുന്ന പശു അസ്വസ്ഥത പ്രകടിപ്പിച്ചത്‌. ആയിക്കര ഹാർബർ, കിലാശി ഭാഗങ്ങളിൽ പശുവിന്റെ കുത്തേറ്റ് 10 പേർക്ക് പരിക്കേറ്റിരുന്നു. രണ്ടുപേർ ജില്ലാ ആശുപത്രിയിൽ ചികിത്സതേടി. വനപാലകരും കണ്ണൂർ സിറ്റി പൊലീസും സ്ഥലത്തെത്തി ആയിക്കര കിലാശി ഭാഗത്ത്‌ പകൽ രണ്ടിന് പശുവിനെ പിടിച്ചുകെട്ടി. ജില്ലാ വെറ്ററിനറി ആശുപത്രിയിലെ ഡോ. ജിഷ്ണു പരിശോധിച്ച് പേ വിഷബാധയുണ്ടെന്ന് സ്ഥിരീകരിച്ചു. തുടർന്നാണ്‌ പശുവിനെ ദയാവധത്തിന് വിധേയമാക്കി. കേർപ്പറേഷൻ ഉദ്യോഗസ്ഥരും കൗൺസിലർ കെ എം സാബിറയും സ്ഥലത്തെത്തി. കണ്ണൂർ സിറ്റി, ജില്ലാ ആശുപത്രി പരിസരം, തയ്യിൽ, മൈതാനപ്പള്ളി, മരക്കാർകണ്ടി ഭാഗങ്ങളിൽ റോഡിൽ അലഞ്ഞുതിരിയുന്ന പശുക്കളുടെ എണ്ണംകൂടുകയാണ്‌.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
