കണ്ണൂർ
കേരള എൻജിഒ യൂണിയന്റെ നേതൃത്വത്തിൽ ജീവനക്കാർ ജില്ലയിലെ 107 കേന്ദ്രങ്ങളിൽ ധർണ നടത്തി. കേന്ദ്ര സർക്കാരിന്റെ ജനവിരുദ്ധ നയങ്ങൾക്കെതിരെ അണിനിരക്കുക, സംസ്ഥാന സർക്കാരിന്റെ ജനപക്ഷ ബദൽ നയങ്ങൾ ശക്തിപ്പെടുത്തുക, പിഎഫ്ആർഡിഎ നിയമം പിൻവലിക്കുക എന്നീ മുദ്രാവാക്യങ്ങൾ ഉയർത്തിയായിരുന്നു സമരം. കണ്ണൂർ കലക്ടറേറ്റിനുമുന്നിൽ സംസ്ഥാന വൈസ് പ്രസിഡന്റ്‌ ടി പി ഉഷ ഉദ്ഘാടനംചെയ്തു. എം സവിത അധ്യക്ഷയായി. വി നവനീത് സ്വാഗതം പറഞ്ഞു. വിവിധ കേന്ദ്രങ്ങളിൽ ജില്ലാ സെക്രട്ടറി എ രതീശൻ, എ എം സുഷമ, കെ വി മനോജ് കുമാർ, എൻ സുരേന്ദ്രൻ, പി പി സന്തോഷ് കുമാർ, കെ എം ബൈജു എന്നിവർ ഉദ്ഘാടനംചെയ്തു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
