ചാരുംമൂട്
നാടിന്റെ ചിരകാലസ്വപ്‌നം യാഥാർഥ്യമാകുന്നു. 70 വർഷത്തിലധികം പഴക്കമുള്ള താമരക്കുളം ചത്തിയറ പാലം പൊളിച്ച് വീതികൂട്ടി നിർമിക്കണമെന്ന പ്രദേശവാസികളുടെ വർഷങ്ങളായുള്ള ആവശ്യമാണ്‌ യാഥാർഥ്യമാകുന്നത്‌. 2021–--22 സാമ്പത്തികവർഷം ബജറ്റിൽ ഉൾപ്പെടുത്തി 4.3 കോടിയാണ് നിർമാണത്തിന് അനുവദിച്ചത്. താമരക്കുളം -ഓച്ചിറ റോഡിലെ പാലം പൊളിച്ചാണ് വീതികൂട്ടുന്നത്. 31ന് വൈകിട്ട് 5.30ന് പാലത്തിന്‌ സമീപം നടക്കുന്ന യോഗത്തിൽ മന്ത്രി പി എ മുഹമ്മദ് റിയാസ് നിർമാണോദ്ഘാടനം നടത്തും. എം എസ് അരുൺകുമാർ എംഎൽഎ അധ്യക്ഷനാകും. കൊടിക്കുന്നിൽ സുരേഷ് എംപി, ആർ രാജേഷ് എന്നിവർ മുഖ്യാതിഥികളാകും.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
