25 May Wednesday

കുരുന്നുകളെ എഴുത്തുവഴിയിൽ
കെെപിടിച്ച് വായനച്ചങ്ങാത്തം

വെബ് ഡെസ്‌ക്‌Updated: Friday Jan 21, 2022

വായനച്ചങ്ങാത്തം പദ്ധതി ജില്ലാ പഞ്ചായത്ത് പ്രസിഡന്റ് കെ ജി രാജേശ്വരി ഉദ്‌ഘാടനംചെയ്യുന്നു

 ആലപ്പുഴ

കുട്ടികളെ എഴുത്തിന്റെ വഴിയിലേക്ക്‌ നയിക്കാൻ സമഗ്രശിക്ഷാ കേരളത്തിന്റെ വായനച്ചങ്ങാത്തം പദ്ധതി. സോണൽ എസ് ആർ ജി പരിശീലനം സോഷ്യോ ഇക്കണോമിക്‌സ്‌ കേന്ദ്രത്തിൽ ജില്ലാ പഞ്ചായത്ത് പ്രസിഡന്റ് കെ ജി രാജേശ്വരി ഉദ്‌ഘാടനംചെയ്‌തു. തെക്കൻ ജില്ലകളിൽനിന്നുള്ള 43 അധ്യാപകർക്ക് സംസ്ഥാന റിസോഴ്സ് പേഴ്സന്റെ നേതൃത്വത്തിൽ ദ്വിദിന പരിശീലനം നൽകി. സമഗ്രശിക്ഷാ കേരളം ജില്ലാ പ്രോജക്‌ട്‌ കോ–- ഓർഡിനേറ്റർ ഡി എം രജനീഷ് അധ്യക്ഷനായി. ഗാനരചയിതാവ്‌ രാജീവ് ആലുങ്കൽ മുഖ്യപ്രഭാഷണം നടത്തി. ഒന്നുമുതൽ നാലുവരെ ക്ലാസുകളിലെ കുട്ടികളെ മാതൃഭാഷയിൽ സ്വതന്ത്ര രചനാശേഷിയുള്ളവരാക്കി മാറ്റുക എന്നതാണ് ലക്ഷ്യം. രക്ഷിതാക്കളെക്കൂടി പങ്കാളിയാക്കുന്നതാണ്‌ പദ്ധതി. വീട്ടുലൈബ്രറി, അയൽപക്ക ലൈബ്രറി എന്നിവയുടെ സാധ്യതകൾ പരമാവധി പ്രയോജനപ്പെടുത്തിയാകും പ്രവർത്തനം.ഡിപിഒ കെ ജി വിൻസെന്റ്, ബിപിസി  ടി ഒ സെൽമോൻ എന്നിവർ സംസാരിച്ചു. ഡിപിഒ ഇമ്മാനുവേൽ ടി ആന്റണി സ്വാഗതവും ഡിപിഒ പി എ സിന്ധു നന്ദിയും പറഞ്ഞു.

ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..



----
പ്രധാന വാർത്തകൾ
-----
-----
 Top