തെങ്ങുവീണ് 
വള്ളം തകർന്നു

മുഹമ്മ

നെയ്യ് പുരട്ടാൻ കയറ്റിവച്ചിരുന്ന വള്ളത്തിൽ തെങ്ങ് ഒടിഞ്ഞുവീണ് വള്ളം തകർന്നു. മുഹമ്മ പഞ്ചായത്ത് 10–-ാം വാർഡ് പനയ്ക്കാപറമ്പിൽ പി എൻ തങ്കപ്പന്റെ വള്ളമാണ് തകർന്നത്. ബുധൻ രാത്രി ഏഴോടെ ശക്തമായ കാറ്റിലാണ് തെങ്ങ് ഒടിഞ്ഞുവീണത്. വള്ളം പൂർണമായി തകർന്നതോടെ കക്കാതൊഴിലാളിയായ തങ്കപ്പന് ജോലിക്ക്‌ പോകാനും കഴിയാതെയായി. ഒരുവർഷം മാത്രം പഴക്കമുള്ള വള്ളത്തിന് 40,000 രൂപയുടെ നഷ്ടം കണക്കാക്കുന്നു.