കാർത്തികപ്പള്ളി
ആറാട്ടുപുഴ പഞ്ചായത്ത് മൂന്നാം വാർഡിലെ കുടിവെള്ളക്ഷാമം പരിഹരിക്കണമെന്ന് ആവശ്യപ്പെട്ട് കായംകുളം വാട്ടർ അതോറിറ്റി അസി. എൻജിനീയർ ഓഫീസ് പഞ്ചായത്തംഗം ആർ രാജേഷിന്റെ നേതൃത്വത്തിൽ ഉപരോധിച്ചു. സിപിഐ എം ഏരിയ കമ്മറ്റിയംഗം കെ കരുണാകരൻ, ആറാട്ടുപുഴ കിഴക്ക് ലോക്കൽ സെക്രട്ടറി എ എ റഹ്മാൻ, സി പൊന്നൻ കടവിൽ, പി കെ സുരീഷ്, വിവിധ സാമൂഹ്യ പ്രവർത്തകർ, പൊതുജനങ്ങൾ തുടങ്ങിയവർ ഉപരോധസമരത്തിൽ പങ്കെടുത്തു.
ജപ്പാൻ കുടിവെള്ള പദ്ധതിയുടെ പൈപ്പ് ലൈനുമായി കനകക്കുന്ന് പമ്പ് ഹൗസിലെ ലൈൻ ഇന്റർലിങ്ക് ചെയ്ത് കുടിവെള്ള ക്ഷാമത്തിന് പരിഹാരം കാണുന്നതിന്‌ സാധ്യത പരിശോധിക്കാൻ എ ഇയും ഓവർസിയറും സ്ഥലം സന്ദർശിക്കാമെന്ന ഉറപ്പിന്മേൽ ഉച്ചയോടെ സമരം അവസാനിപ്പിച്ചു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
