കാട്ടാനക്കൂട്ടം തുമ്പൂര്‍മുഴി ചെക്ക്ഡാമിൽ

ചാലക്കുടി

കനത്ത വേനലിൽ കുടിവെള്ളം തേടി കാട്ടാനക്കൂട്ടം തുമ്പൂർമുഴി ചെക്ക്ഡാമിലിറങ്ങി. വെള്ളിയാഴ്‌ച പകൽ 7.30ഓടെയാണ് അഞ്ചംഗ കാട്ടാനസംഘം തുമ്പൂർമുഴിയിലെത്തിയത്. 

   ഒരു മണിക്കൂറോളം ചെക്ക് ഡാമിൽ തങ്ങിയ ആനക്കൂട്ടം പിന്നീട് പുഴയുടെ താഴ്ഭാഗത്തുള്ള തുരുത്തിലേക്ക് കയറിപ്പോവുകയും ചെയ്തു. ഇതിനു മുമ്പും കാട്ടാനകൾ ചെക്ക്ഡാമിലെത്തിയിട്ടുണ്ടെങ്കിലും ഇത്രയധികം ആനകൾ കൂട്ടമായി വരുന്നത് ആദ്യമായാണ്. ഗാർഡന്റെ കോമ്പൗണ്ടിലേക്ക് ആനക്കൂട്ടം കയറാതിരുന്നതിനാൽ നാശനഷ്ടങ്ങൾ സംഭവിച്ചില്ല.