തിരയിൽപ്പെട്ട വള്ളത്തിൽനിന്ന് തെറിച്ചുവീണ് മത്സ്യത്തൊഴിലാളിക്ക് പരിക്കേറ്റു

ചിറയിൻകീഴ് 

തിരയിൽപ്പെട്ട വള്ളത്തിൽനിന്ന് തെറിച്ചുവീണ് മത്സ്യത്തൊഴിലാളിക്ക് പരിക്കേറ്റു. ശനി രാവിലെ ഏഴോടെ മുതലപ്പൊഴിയിൽനിന്ന്‌ മീൻ പിടിക്കാന്‍ കടലിലേക്ക് ഇറങ്ങവേ അഴിമുഖത്തെ ശക്തമായ തിരയിൽപ്പെട്ട താങ്ങുവള്ളത്തിൽനിന്ന് തെറിച്ചുവീണ ശാന്തിപുരം സ്വദേശി മനോജി (44) നാണ് പരിക്കേറ്റത്. ഇയാളെ ചിറയിൻകീഴ് താലൂക്കാശുപത്രിയില്‍ പ്രവേശിപ്പിച്ചു. 

ഏഴേകാലോടെ മറ്റൊരു വള്ളം അഴിമുഖം കടക്കവേ തിരയിൽപ്പെട്ടുയർന്ന് പതിച്ച് രണ്ട് ഭാഗങ്ങളായി മുറിഞ്ഞ് തകർന്നെങ്കിലും വള്ളത്തിലുണ്ടായിരുന്ന രണ്ടു മത്സ്യത്തൊഴിലാളികളും മറ്റ് മത്സ്യത്തൊഴിലാളികളുടെ വള്ളത്തിൽ കയറി  രക്ഷപ്പെട്ടു. പൂത്തുറ സ്വദേശി ജെറിയുടെ  വള്ളമാണ് അപകടത്തില്‍പ്പെട്ടത്. അഞ്ചുതെങ്ങ് സ്വദേശികളായ സുനില്‍ (42), രാജു (39) എന്നിവരാണ് സുരക്ഷിതമായി രക്ഷപ്പെട്ടത്.