കൊല്ലം
ഡിവൈഎഫ്ഐ ജില്ലാ കമ്മിറ്റി ഓഫീസായ യൂത്ത് സെന്റർ നിർമാണം അവസാന ഘട്ടത്തിലേക്ക്. കൊല്ലം പോളയത്തോട്ടിലാണ് യൂത്ത് സെന്റർ. ഡിവൈഎഫ്ഐ രൂപീകരണദിനമായ നവംബർ മൂന്നിന് ഉദ്ഘാടനംചെയ്യുന്ന നിലയിലാണ് നിർമാണം പുരോഗമിക്കുന്നത്. ഡിവൈഎഫ്ഐ പ്രവർത്തകരിൽനിന്നും മുൻകാല പ്രവർത്തകരിൽനിന്നുമാണ് ഫണ്ട് കണ്ടെത്തിയത്. അഖിലേന്ത്യ മുൻ പ്രസിഡന്റ് കൂടിയായ മന്ത്രി കെ എൻ ബാലഗോപാൽ സംഭാവന നൽകി. ഡിവൈഎഫ്ഐ ജില്ലാസെക്രട്ടറി എസ് ആർ അരുൺബാബു ഫണ്ട് ഏറ്റുവാങ്ങി. ജില്ലാ പ്രസിഡന്റ് ശ്യാം മോഹൻ, സംസ്ഥാന കമ്മിറ്റി അംഗങ്ങളായ കെ പ്രദീപ്, ജി ഗോപിലാൽ, ജില്ലാകമ്മിറ്റി അംഗങ്ങളായ എ അഭിലാഷ്, ജി മുകേഷ്, ഓഫീസ് സെക്രട്ടറി അമീഷ് ബാബു എന്നിവർ പങ്കെടുത്തു.
ദേശാഭിമാനി വാർത്തകൾ ഇപ്പോള് വാട്സാപ്പിലും ടെലഗ്രാമിലും ലഭ്യമാണ്.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..