ചിറയിൻകീഴ്
കടയ്ക്കാവൂർ പൊലീസിന്റെയും യുവജന കൂട്ടായ്മയുടെയും ആഭിമുഖ്യത്തിൽ ലോക ലഹരി വിരുദ്ധ ദിനത്തിൽ കൂട്ടയോട്ടം സംഘടിപ്പിച്ചു.
വക്കം പോസ്റ്റ് ഓഫീസ് ജങ്ഷനിൽനിന്ന് ആരംഭിച്ച കൂട്ടയോട്ടം ഗവ. ഹയർ സെക്കൻഡറി സ്കൂൾ ഗ്രൗണ്ടിൽ സമാപിച്ചു . ജീവിതമാണ് എന്റെ ലഹരി എന്ന സന്ദേശം നൽകിയാണ് നൂറോളം യുവാക്കൾ പങ്കെടുത്ത കൂട്ടയോട്ടം സംഘടിപ്പിച്ചത്. ലഹരി വിരുദ്ധ സന്ദേശം പ്രചരിപ്പിക്കുന്നതിന്റെ ഭാഗമായി പൊലീസിന്റെ നേതൃത്വത്തിൽ സ്കൂളുകൾ, ഓട്ടോ ടാക്സി സ്റ്റാൻഡുകൾ, റസിഡൻസ് അസോസിയേഷനുകൾ എന്നിവിടങ്ങൾ കേന്ദ്രീകരിച്ചും ബോധവൽക്കരണ പരിപാടികളും റാലികളും സംഘടിപ്പിച്ചിരുന്നു .
കടയ്ക്കാവൂർ എസ്എച്ച്ഒ വി അജേഷ് ഫ്ലാഗ് ഓഫ് ചെയ്തു. എസ് ഐ മാഹീൻ, എഎസ്ഐ ജയപ്രസാദ്, സിപിഒ ശ്രീനാഥ്, കായികാധ്യാപകൻ ലിജിൻ എന്നിവർ പങ്കെടുത്തു .
തുടർന്ന് വക്കം ഗവ. ഹയർ സെക്കൻഡറി സ്കൂൾ ഗ്രൗണ്ടിൽ ഫുട്ബോൾ മത്സരവും സംഘടിപ്പിച്ചു.
ദേശാഭിമാനി വാർത്തകൾ ഇപ്പോള് വാട്സാപ്പിലും ടെലഗ്രാമിലും ലഭ്യമാണ്.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..