ചങ്ങനാശേരി> ചങ്ങനാശേരി എംഎൽഎ ജോബ് മൈക്കിളിന്റെ പേരിൽ അനധികൃത പണപ്പിരിവ് നടത്തിയ 2 പേരെ പൊലീസ് അറസ്റ്റ് ചെയ്തു. മാടപ്പള്ളി പങ്കിപ്പുറം ഭാഗത്ത് വാടകയ്ക്കു താമസിക്കുന്ന ആലപ്പുഴ ആര്യാട് കൈതപ്പോള ഷാജി (62), ചങ്ങനാശേരി ഹിദായത്ത് നഗർ ഭാഗം പുത്തൻപറമ്പിൽ അനസ് (44) എന്നിവരെയാണ് പൊലീസ് പിടികൂടിയത്.
ഷാജി തന്റെ സഹോദരന് സുഖമില്ലെന്ന് എംഎൽഎയെ കണ്ട് ചികിത്സയ്ക്കു സഹായിക്കണമെന്നു കാട്ടി ഫാ. സെബാസ്റ്റ്യൻ പുന്നശേരിക്ക് നൽകാൻ കത്ത് വാങഅങിയിരുന്നു. ഈ കത്ത് ഏൽപിക്കാതെ, ലാമിനേറ്റ് ചെയ്ത് പല സ്ഥലങ്ങളിൽ നിന്ന് ഇയാൾ അനധികൃതമായി പണപ്പിരിവ് നടത്തുകയായിരുന്നുവെന്ന് പൊലീസ് പറഞ്ഞു. കെഎസ്ആർടിസി ബസ് സ്റ്റാൻഡിൽ പിരിവ് നടത്തുന്നതിനിടെയാണ് ഷാജിയും സഹായി അനസും പൊലീസിന്റെ പിടിയിലാകുന്നത്.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
