കാസർകോട്‌
മഞ്ചേശ്വരത്ത്‌ നിയമസഭാ തെരഞ്ഞെടുപ്പിൽ സ്ഥാനാർഥിത്വം പിൻവലിക്കാൻ രണ്ടര ലക്ഷം രൂപ കോഴ നൽകിയ കേസിൽ മൊബൈൽ ഫോൺ ഹാജരാക്കാൻ ബിജെപി സംസ്ഥാന പ്രസിഡന്റ്‌ കെ സുരേന്ദ്രന്‌ ജില്ലാ ക്രൈംബ്രാഞ്ച്‌ വീണ്ടും നോട്ടീസ്‌ നൽകി. രണ്ടാഴ്‌ചക്കകം ഹാജരാക്കാനാണ്‌ നിർദേശം. നേരത്തെ ആവശ്യപ്പെട്ടിട്ടും ഫോൺ ഹാജരാക്കിയിരുന്നില്ല.
നിയമസഭാ തെരഞ്ഞെടുപ്പ്‌ സമയത്ത്‌ സുരേന്ദ്രൻ ഉപയോഗിച്ചിരുന്ന ഫോൺ അന്വേഷണ റിപ്പോർട്ടിനൊപ്പം കോടതിയിൽ നൽകേണ്ടതുണ്ട്‌. ചോദ്യംചെയ്യാൻ വരുമ്പോൾ ഹാജരാക്കാൻ ആവശ്യപ്പെട്ടിരുന്നെങ്കിലും ഫോൺ നശിച്ചുവെന്നാണ്‌ സുരേന്ദ്രൻ പറഞ്ഞത്‌. ഇതു കളവാണെന്നും ഫോൺ ഇപ്പോഴും ഉപയോഗിക്കുന്നുണ്ടെന്നും അന്വേഷകസംഘം കണ്ടെത്തിയിട്ടുണ്ട്‌.
കേസിൽ അന്വേഷണം പൂർത്തിയാക്കിയ ജില്ലാ ക്രൈംബ്രാഞ്ച്‌ വൈകാതെ കോടതിയിൽ റിപ്പോർട്ട്‌ നൽകും. കോടതി നടപടികൾ പൂർത്തിയാകുന്ന മുറയ്‌ക്ക്‌ സുരേന്ദ്രൻ അടക്കമുള്ള ബിജെപി നേതാക്കളുടെ അറസ്‌റ്റ്‌ ഉണ്ടാകുമെന്നാണ്‌ സൂചന.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
