കോഴിക്കോട്
ചരിത്രം മുഴുവൻ വായിക്കാതെയാണ് കെപിസിസി പ്രസിഡന്റ് കെ സുധാകരൻ എംപി വിവാദ പ്രസ്താവനകൾ നടത്തുന്നതെന്ന് മുസ്ലിംലീഗ് നേതാവ് എം കെ മുനീർ എംഎൽഎ. സുധാകരനിൽനിന്നുണ്ടാവുന്ന പ്രസ്താവനകൾ പലരെയും പ്രകോപിപ്പിക്കുന്നതും ഫാസിസ്റ്റ് ശക്തികൾക്ക് സന്തോഷം പകരുന്നതുമാണെന്നും മുനീർ പറഞ്ഞു.
ചരിത്രത്തിലെ ഏതെങ്കിലും ഒരുഭാഗം മാത്രം പറയുന്നത് ശരിയല്ല. നെഹ്റു ഏറ്റവും വലിയ മതേതരവാദിയായിരുന്നു. ഫാസിസ്റ്റ് ഭരണം തുടരണമെന്നതിനാൽ നെഹ്റുവിന്റെ സ്മരണതന്നെ ഇല്ലാതാക്കാനാണ് വർഗീത ശക്തികൾ ശ്രമിക്കുന്നത്. നെഹ്റുവിന്റെ ആദ്യ വിജയംതന്നെ ഫാസിസ്റ്റുകളെ നേരിട്ടായിരുന്നുവെന്നും മുനീർ മാധ്യമ പ്രവർത്തകരോട് പറഞ്ഞു. ആർഎസ്എസ് ചിന്തയുള്ളവർ പാർടിയിൽനിന്ന്‌ പുറത്തേക്ക് പോകണമെന്ന്‌ ഭാരത് ജോഡോ യാത്രയിൽ രാഹുൽ ഗാന്ധിതന്നെ വ്യക്തമാക്കിയതാണെന്നും അദ്ദേഹം പറഞ്ഞു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
