ബാലുശേരി > ഡിവൈഎഫ്ഐ പ്രവർത്തകൻ പാലോളി മുക്ക് വാഴേന്റെവളപ്പിൽ ജിഷ്ണുരാജിനെ വധിക്കാൻ ശ്രമിച്ച കേസിൽ സജീവ മുസ്ലിംലീഗ് പ്രവർത്തകൻ അറസ്റ്റിൽ. പാലോളി മുക്ക് മുസ്ലിംലീഗ് ശാഖാ ഭാരവാഹി കൂടപ്പുറത്ത് മുഹമ്മദ് നൗഫലിനെ(31)യാണ് ബുധൻ അറസ്റ്റ് ചെയ്തത്. മൂന്ന് മുസ്ലിംലീഗ് പ്രവർത്തകർ നേരത്തെ റിമാൻഡിലുണ്ട്.
നൗഫലിനെയും റിമാൻഡ് ചെയ്തു. ഇതോടെ ജിഷ്ണുരാജ് വധശ്രമവുമായി ബന്ധപ്പെട്ട് റിമാൻഡിലായവർ 11 ആയി. ജൂൺ 23ന് അർധരാത്രിയിലാണ് ജിഷ്ണുവിനെ മുപ്പതോളം പേരടങ്ങുന്ന സംഘം ഭീകര മർദനത്തിനിരയാക്കിയശേഷം തോട്ടിൽ മുക്കിക്കൊല്ലാൻ ശ്രമിച്ചത്. ഇതിന്റെ ദൃശ്യം പുറത്തുവന്നതോടെയാണ് പ്രതികളെക്കുറിച്ചുള്ള സൂചനകൾ പൊലീസിന് ലഭിച്ചത്.
ദേശാഭിമാനി വാർത്തകൾ ഇപ്പോള് വാട്സാപ്പിലും ടെലഗ്രാമിലും ലഭ്യമാണ്.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..