കോട്ടയം> കോട്ടയം ജില്ലയില് കനത്ത മഴ. ഈരാറ്റുപേട്ടയില് കനത്ത മഴയിലും കാറ്റിലും വന് നാശനഷ്ടമുണ്ടായി.ഈരാറ്റുപേട്ട പാല റോഡില് കാറിനും സ്കൂട്ടറിനും മുകളിലേക്ക് മരം ഒടിഞ്ഞുവീണു. സംഭവത്തില് ആളപായമില്ല. ഉച്ച കഴിഞ്ഞു 2.30 ഓടെയാണ് കനത്ത മഴ എത്തിയത്. മരങ്ങള് കടപുഴകി. ഇടിമിന്നലില് പ്രദേശത്തെ വൈദ്യുതി ബന്ധം തകര്ന്നു.
24 മണിക്കൂറിനുള്ളില് ആന്ഡമാന് നിക്കോബാര് ദ്വീപില് കാലവര്ഷം എത്തുമെന്നാണ് കാലാവസ്ഥ വകുപ്പിന്റെ നിഗമനം. മഴയ്ക്കൊപ്പം ശക്തമായ കാറ്റും വീശിയേക്കും. ഉയര്ന്ന താപനിലയും ഈര്പ്പമുള്ള വായുവും കാരണം മലയോര പ്രദേശങ്ങള് ഒഴികെയുള്ള ജില്ലകളില് ഇന്ന് ചൂടും അസ്വസ്ഥതയും നിറഞ്ഞ കാലാവസ്ഥയ്ക്ക് സാധ്യതയുള്ളതായും മുന്നറിയിപ്പുണ്ട്.
അതേസമയം, കേരളത്തില് അടുത്ത അഞ്ചു ദിവസം ഇടിമിന്നലോടു കൂടിയ ഒറ്റപ്പെട്ട മഴയ്ക്ക് സാധ്യതയുണ്ട്.
അടുത്ത 24 മണിക്കൂറിനുള്ളില് കാലവര്ഷം നിക്കോബര് ദ്വീപ് സമൂഹം, തെക്കന് ആന്ഡമാന് കടല്, തെക്കന് ബംഗാള് ഉള്ക്കടല് എന്നിവിടങ്ങളില് എത്തിച്ചേരാന് സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പിന്റെ അറിയിപ്പ്
ദേശാഭിമാനി വാർത്തകൾ ഇപ്പോള് വാട്സാപ്പിലും ടെലഗ്രാമിലും ലഭ്യമാണ്.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..