18 May Wednesday

കാസർകോട്‌ ജില്ലാ സമ്മേളനം പൂർത്തിയായി

വെബ് ഡെസ്‌ക്‌Updated: Saturday Jan 22, 2022

സിപിഐ എം കാസർകോട് ജില്ലാ സമ്മേളനം പൊളിറ്റ്ബ്യൂറോ അംഗം എസ് രാമചന്ദ്രൻപിള്ള ഉദ്ഘാടനം ചെയ്യുന്നു


മടിക്കൈ (കാസർകോട്‌)
സിപിഐ എം കാസർകോട്‌ ജില്ലാ സമ്മേളനം മടിക്കൈ അമ്പലത്തുകരയിലെ ‘കെ ബാലകൃഷ്ണൻ നഗറി’ൽ പൊളിറ്റ്ബ്യൂറോ അംഗം എസ് രാമചന്ദ്രൻപിള്ള ഉദ്ഘാടനംചെയ്തു. കർശനമായി കോവിഡ്‌ പെരുമാറ്റച്ചട്ടം പാലിച്ചുള്ള സമ്മേളനം മൂന്നു ദിവസത്തേക്ക്‌ നിശ്‌ചയിച്ചതായിരുന്നതെങ്കിലും കോവിഡ്‌വ്യാപന സാഹചര്യത്തിൽ ഒറ്റദിവസംകൊണ്ട്‌ പൂർത്തിയാക്കി. സി എച്ച് കുഞ്ഞമ്പു എംഎൽഎ താൽക്കാലിക അധ്യക്ഷനായി. മുതിർന്ന നേതാവ് ടി വി ഗോവിന്ദൻ പതാക ഉയർത്തി. ജില്ലാ സെക്രട്ടറി എം വി ബാലകൃഷ്ണൻ ദീപശിഖ ജ്വലിപ്പിച്ചു.

എം രാജഗോപാലൻ എംഎൽഎ രക്തസാക്ഷി പ്രമേയവും കെ വി കുഞ്ഞിരാമൻ അനുശോചന പ്രമേയവും അവതരിപ്പിച്ചു. സ്വാഗതസംഘം ചെയർമാൻ കെ പി സതീഷ്‌ചന്ദ്രൻ സ്വാഗതം പറഞ്ഞു. സി എച്ച്‌ കുഞ്ഞമ്പു, പി ജനാർദനൻ, സിജി മാത്യു, പി കെ നിഷാന്ത്‌, ബി എച്ച്‌ ഫാത്തിമത്ത്‌ ഷംന എന്നിവരടങ്ങുന്ന പ്രസീഡിയമാണ്‌ സമ്മേളനം നിയന്ത്രിച്ചത്‌. 

ജില്ലാ സെക്രട്ടറി എം വി ബാലകൃഷ്ണൻ അവതരിപ്പിച്ച റിപ്പോർട്ടിന്മേൽ ഗ്രൂപ്പുചർച്ചയ്‌ക്കുശേഷം പൊതുചർച്ച നടന്നു.  കേന്ദ്ര കമ്മിറ്റി അംഗങ്ങളായ പി കരുണാകരൻ, പി കെ ശ്രീമതി, ഇ പി ജയരാജൻ, കെ കെ ശൈലജ, എം വി ഗോവിന്ദൻ, സംസ്ഥാന സെക്രട്ടറിയറ്റ്‌ അംഗങ്ങളായ ആനത്തലവട്ടം ആനന്ദൻ, ടി പി രാമകൃഷ്ണൻ എന്നിവരും സമ്മേളനത്തിൽ പങ്കെടുത്തു. കണ്ണൂർ ജില്ലാ സെക്രട്ടറി  എം വി ജയരാജൻ, സംസ്ഥാന കമ്മിറ്റി അംഗം പി ജയരാജൻ എന്നിവരും ഉദ്‌ഘാടനച്ചടങ്ങിൽ സന്നിഹിതരായി.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..




----
പ്രധാന വാർത്തകൾ
-----
-----
 Top