08 December Thursday

VIDEO:- രാഹുലിന്റെ ജോഡോ യാത്രയെ സ്വീകരിക്കാൻ സവർക്കർ; കോൺ​ഗ്രസ് പ്രചരണ ബോർഡിൽ ​ഗാന്ധി വധക്കേസ് പ്രതിയും

വെബ് ഡെസ്‌ക്‌Updated: Wednesday Sep 21, 2022

കൊച്ചി> രാഹുൽഗാന്ധിയുടെ ജോഡോ യാത്രയെ വരവേൽക്കാൻ ആർഎസ്‌എസ്‌ സൈദ്ധാന്തികനും ഗാന്ധി വധകേസ്‌ പ്രതിയുമായ വി ഡി സവർക്കറുടെ ചിത്രത്തോടെ വലിയ കമാനം. ആലുവ മണ്ഡലത്തിൽ നെടുമ്പാശേരി എയർപോർട്‌ ജംഗ്‌ഷനു സമീപം കോട്ടായിയിൽ ദേശീയപാതയിൽ  കോൺഗ്രസ്‌ ചെങ്ങമനാട്‌ മണ്ഡലം കമ്മിറ്റി സ്ഥാപിച്ച ബാനറിലാണ്‌ സ്വാതന്ത്ര്യസമരസേനാനികൾക്കൊപ്പം സവർക്കറും സ്ഥാനം പിടിച്ചത്‌. ഇതിനെതിരെ പ്രതിഷേധം ശക്തമായതോടെ മഹാത്മാഗാന്ധിയുടെ ചിത്രം തൂക്കി  സവർക്കറുടെ ചിത്രം മറച്ചു.ജോഡോയാത്ര എത്തുന്നതിനു തൊട്ടുമുമ്പുമാത്രമാണ്‌ സവർക്കർ ചിത്രം ഗാന്ധി ചിത്രമിട്ടു മൂടിയത്‌. 

കോൺഗ്രസ്‌ എംഎൽഎ അൻവർസാദത്തിന്റെ മണ്ഡലമായ ആലുവയിൽ അദ്ദേഹത്തിനു വീടിനു വിളിപ്പാടകലെയാണ്‌ ഈ ബാനർ സ്ഥാപിച്ചത്‌. അൻവർസാദത്തിന്റെ സ്വന്തം ബൂത്തിലാണ്‌ ഈ സംഭവം. ചെങ്ങമനാട്‌ മുൻ പഞ്ചായത്ത്‌ പ്രസിഡന്റ്‌ ദിലീപ്‌ കപ്രശേരിയുടെ നേതൃത്വത്തിലാണ്‌ ബാനർ സ്ഥാപിച്ചത്‌. സംഭവം വിവാദമായതോടെ ഐഎൻടിയുസി പ്രാദേശിക നേതാവ്‌ സുരേഷ്‌ അത്താണിയുടെ നേതൃത്വത്തിലാണ്‌ എവിടെ നിന്നോ ഗാന്ധിജിയുടെ വേറെ വലിപ്പത്തിലുള്ള ചിത്രം കൊണ്ടുവന്ന്‌ സവർക്കറുടെ ചിത്രത്തിനുമുകളിൽ തൂക്കിയത്‌. അപ്പോഴുംഗാന്ധി വധകേസ്‌ പ്രതിയായിരുന്ന  സവർക്കറുടെ ചിത്രം ഗാന്ധിചിത്രത്തിനു പിന്നിലുണ്ട്‌. അതു ബാനറിൽ നിന്ന്‌ വെട്ടിമാറ്റിയിട്ടില്ല.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..



മറ്റു വാർത്തകൾ

----
പ്രധാന വാർത്തകൾ
-----
-----
 Top