16 October Saturday

കേരള ജനത പൊരുതുന്ന കർഷകർക്കൊപ്പം: എ വിജയരാഘവൻ

വെബ് ഡെസ്‌ക്‌Updated: Monday Sep 27, 2021

തിരുവനന്തപുരം> പൊരുതുന്ന കര്‍ഷകര്‍ക്ക്‌ ഐക്യദാര്‍ഢ്യം പ്രഖ്യാപിച്ച്‌ സംസ്ഥാനത്ത്‌ ആഹ്വാനം ചെയ്‌ത ഹര്‍ത്താല്‍ ചരിത്ര വിജയമാക്കിയ മുഴുവന്‍ പേര്‍ക്കും എല്‍ഡിഎഫ്‌ കണ്‍വീനര്‍ എ വിജയരാഘവന്‍ അഭിവാദ്യം അര്‍പ്പിച്ചു.

ബിജെപി സര്‍ക്കാരിന്റെ കര്‍ഷക ദ്രോഹനിയമത്തിനെതിരെ അലയടിച്ച ജനവികാരത്തില്‍ കേരളം ഏകമനസ്സോടെ അണിനിരക്കുകയാണ്‌ ചെയ്‌തത്‌. ഭാരത്‌ ബന്ദ്‌ മോദി സര്‍ക്കാരിന്റെ കര്‍ഷക വിരുദ്ധതയ്‌ക്കെതിരെയുള്ള ശക്തമായ താക്കീതായി മാറി. സംയുക്ത കിസാന്‍ സഭയുടെ ആഹ്വാനം അനുസരിച്ച്‌ നടന്ന ഭാരത്‌ ബന്ദിന്റെ ഭാഗമായാണ്‌ കേരളം ഹര്‍ത്താല്‍ ആചരിച്ചത്‌.

രാജ്യം ഒന്നാകെ പങ്കെടുത്ത പ്രക്ഷോഭത്തില്‍ കേരള ജനതയുടെ വികാരം പ്രതിഫലിച്ചത്‌ വലിയ മുന്നേറ്റമാണ്‌. കേന്ദ്ര സര്‍ക്കാരിന്റെ ജനദ്രോഹ നടപടികള്‍ക്കെതിരെ ശക്തമായ പ്രതിരോധമാണ്‌ കേരളത്തില്‍ പടുത്തുയര്‍ത്തിയത്‌.

രാഷ്ട്രീയ ഭേദമെന്യേ എല്ലാ വിഭാഗം ജനങ്ങളും ഹര്‍ത്താലിനോട്‌ പൂര്‍ണ്ണമായും സഹകരിക്കുകയാണ്‌ ചെയ്‌തത്‌. ജനവികാരം ഉള്‍ക്കൊണ്ട്‌ ഇനിയെങ്കിലും ദ്രോഹ നടപടികള്‍ പിന്‍വലിക്കാന്‍ കേന്ദ്ര സര്‍ക്കാരും ബി.ജെ.പിയും തയ്യാറാകണമെന്ന്‌ എ.വിജയരാഘവന്‍ പ്രസ്‌താവനയിലൂടെ ആവശ്യപ്പെട്ടു.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..




----
പ്രധാന വാർത്തകൾ
-----
-----
 Top