20 August Saturday

ആസൂത്രിത ആക്രമണം: ‘വൻ ശബ്ദം, കെട്ടിടം തകരുംപോലെ തോന്നി’

സ്വന്തം ലേഖകൻUpdated: Friday Jul 1, 2022

എകെജി സെൻററിലേക്ക്‌ ബോംബെറിഞ്ഞ ആളുടെ സിസിടിവി ദൃശ്യം

തിരുവനന്തപുരം> ‘വൻ ശബ്ദം കേട്ടു. കെട്ടിടം തകരുന്നപോലെ’. സിപിഐ എം കേന്ദ്രകമ്മിറ്റിയംഗം പി കെ ശ്രീമതിയുടെ വാക്കുകളിലുണ്ട്‌ എ കെ ജി സെന്ററിന്‌ നേർക്കുണ്ടായ ബോംബാക്രമണത്തിന്റെ തീവ്രത. സംഭവം നടക്കുമ്പോൾ സെന്ററിനകത്ത്‌ ശ്രീമതിയുണ്ടായിരുന്നു.

‘ഞാൻ ഉറങ്ങിയിരുന്നില്ല. ടിവിയിൽ വാർത്തകളൊക്കെ കണ്ടിരിക്കുകയായിരുന്നു. ഇതിനിടയിലാണ്‌ ഭീകരമായ ശബ്ദം കേട്ടത്‌. എല്ലാവരും നടുങ്ങി. നോക്കുമ്പോൾ പുക ഉയരുന്നുണ്ടായിരുന്നു. അകത്തേക്ക്‌ എത്താതെ പുറത്തുവച്ച്‌ തന്നെ പൊട്ടിത്തെറിച്ചതുകൊണ്ടാണ്‌ അക്രമിയുടെ ലക്ഷ്യം പാളിയത്‌’’–- ശ്രീമതി പറഞ്ഞു. ശ്രീമതിയും മറ്റുള്ളവരും ഓടിയെത്തുമ്പോഴേക്കും അക്രമി കടന്നുകളഞ്ഞിരുന്നു.

ആസൂത്രിതമായിരുന്നു ആക്രമണം. ഇരുചക്ര വാഹനത്തിലാണ്‌ അക്രമിയെത്തിയത്‌. ആദ്യമെത്തി പരിസരം നിരീക്ഷിച്ചു. മറ്റുചില വാഹനങ്ങളുടെ സാന്നിധ്യം ഉൾപ്പെടെ സാഹചര്യം അനുകൂലമല്ലാത്തതിനാൽ ആ സമയം ആക്രമണത്തിന്‌ മുതിർന്നില്ല. എന്നാൽ തൊട്ടുപിന്നാലെ കണക്കുകൂട്ടിയ അവസരമൊത്ത നിമിഷത്തിൽ സെന്റർ ലക്ഷ്യമിട്ട്‌ ബോംബെറിയുകയായിരുന്നു.

 


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..




----
പ്രധാന വാർത്തകൾ
-----
-----
 Top