01 July Friday

വധഗൂഢാലോചനക്കേസ്‌ : സായ്‌ ശങ്കർ മാപ്പുസാക്ഷി ആകും

വെബ് ഡെസ്‌ക്‌Updated: Friday May 6, 2022

കൊച്ചി> നടിയെ തട്ടികൊണ്ടുപോയി ആക്രമിച്ച കേസിലെ അന്വേഷണ ഉദ്യോഗസ്ഥരെ കൊല്ലാൻ  ദിലിപടക്കമുുള്ളവർ ഗൂഢാലോചന നടത്തിയ കേസിൽ ഹാക്കർ സായ് ശങ്കറിനെ മാപ്പുസാക്ഷിയാകും. സായ്‌ ശങ്കറിനെ മാപ്പുസാക്ഷി ആക്കണമെന്നാവശ്യപ്പെട്ട്‌  ക്രൈം ബ്രാ‌‌ഞ്ച് ആലുവ മജിസ്ട്രേറ്റ് കോടതിയിൽ അപേക്ഷ നൽകി.  തുടർന്ന്‌ സായ് ശങ്കറിന് കോടതി നോട്ടീസ് അയച്ചു. ശനിയാഴ്‌ച വൈകിട്ട് മൂന്നിന്‌ കോടതിയിൽ ഹാജരാകണം. ദിലീപിന്റെയും കേസിലെ മറ്റുപ്രതികളുടെയും മൊബൈൽഡാറ്റകൾ മായ്‌ക്കുവാൻ സഹായിച്ചത്‌ സായ്‌ ശങ്കറാണ്‌.

നടിയെ ആക്രമിച്ച കേസിൽ കൂറുമാറിയവരുടെ മൊഴി വീണ്ടും രേഖപ്പെടുത്തിയേക്കും. സിനിമാ മേഖലയിൽ നിന്നടക്കമുളളവർക്ക് വരും ദിവസങ്ങളിൽ നോട്ടീസ് നൽകും.

നടിയെ ആക്രമിച്ച കേസിലെ തുടരന്വേഷണം മേയ് മുപ്പതിനകം അവസാനിപ്പിക്കണമെന്ന് ഹൈക്കോടതിയുടെ അന്ത്യശാസനം നിലനിൽക്കുന്ന പശ്ചാത്തലത്തിലാണ് ക്രൈംബ്രാഞ്ച് നടപടികൾ വേഗത്തിലാക്കിയത്. സിനിമാ മേഖലയിൽ നിന്നടക്കമുളള പ്രോസിക്യൂഷൻ സാക്ഷികളായ 20 പേർ പ്രതിഭാഗത്തേക്ക് കൂറുമാറിയിരുന്നു.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..




----
പ്രധാന വാർത്തകൾ
-----
-----
 Top